Śviet1717

Pravacentrysckaja Jeŭrapiejskaja narodnaja partyja lidziruje na vybarach u Jeŭraparłamient, ale pazicyi ŭmacoŭvajuć ultrapravyja

Pravacentrysckaja Jeŭrapiejskaja narodnaja partyja (JENP) lidziruje na vybarach u Jeŭraparłamient u Aŭstryi, Hiermanii, Hrecyi, Niderłandach i na Kipry, pakazali ŭ niadzielu ekzit-poły, jakija prajšli ŭ hetych krainach. Pavodle prahnozaŭ, jana pavinna atrymać 181 miesca z 720.

Fota: Getty Image

Druhoje miesca zojmuć sacyjał-demakraty, atrymaŭšy 135 miescaŭ. Libieralna-centrysckaje abjadnańnie ALDE atrymaje 82 miescy. Pravakansiervatyŭnaja partyja «Jeŭrapiejskija kansiervatary i refarmisty» (ECR) — 71 miesca. Pravaradykalnaja partyja «Identyčnaść i demakratyja», skaročana — ID Party, uzmocnić svaje pazicyi, atrymaŭšy 62 miescy. Najbolšyja straty paniasuć «zialonyja».

Pravacentryscki Chryścijanska-demakratyčny sajuz, da jakoha naležyć kiraŭnica Jeŭrakamisii Ursuła fon der Lajen, daminuje ŭ Hiermanii, samaj hustanasielenaj krainie ES, amal na 30% apiaredžvajučy Sacyjał-demakratyčnuju partyju fiederalnaha kanclera Ołafa Šolca, jakaja apuściłasia da 14 %, sastupiŭšy navat krajnie pravaj «Alternatyvie dla Hiermanii». Prahnozy niamieckich hramadskich viaščalnikaŭ ARD i ZDF zaśviedčyli, što «Alternatyva dla Hiermanii», abo AfD, ciapier budzie mieć 16,5%, u paraŭnańni z 11% u 2019 hodzie. Sukupny vynik troch partyj, jakija ŭvachodziać u kiroŭnuju kaalicyju Hiermanii, ledź pieravysiŭ 30%.

U Hiermanii adsotak deputataŭ ad Partyi «Zialonych», pavodle prahnozaŭ, upadzie z 20 da 12%, a ŭ Francyi i niekatorych inšych krainach ES partyi hetaha tołku čakajuć jašče bolšyja straty. Ich paražeńnie moža paŭpłyvać na ahulnuju palityku ES u śfiery baraćby z klimatyčnymi źmienami.

U Hiermanii ultrapravaja partyja «Alternatyva dla Hiermanii» zaniała druhoje miesca, nabraŭšy 16,5% hałasoŭ (u 2019-m partyja atrymała 11%), miarkujučy pa dadzienych ekzit-poła, apublikavanych hramadskaj viaščalnaj kampanijaj ARD.

U Aŭstryi, chutčej za ŭsio, pieramoža krajnie pravaja «Partyja svabody». Pra heta śviedčać apublikavanyja ŭviečary ŭ niadzielu vyniki apytańniaŭ, praviedzienych u apošni tydzień.

U Niderłandach, dzie hałasavańnie prajšło ŭ čaćvier, vyniki apytańniaŭ pakazali, što antyimihracyjnaja partyja nacyjanalista Hiejerta Viłdersa atrymaje 7 z 29 miescaŭ u Asamblei ES, h. zn. tolki na adno miesca mienš, čym u aljansa sacyjał-demakrataŭ i «zialonych».

Pavodle papiarednich acenak, na vybarach u Polščy ŭradavaja Hramadzianskaja kaalicyja atrymała kala 38%, Kansiervatyŭnaja partyja «Prava i spraviadlivaść» maje kala 34%, krajnie pravaja «Kanfiederacyja» — kala 12%.

U Ispanii najbolš nabiraje kansiervatyŭnaja Narodnaja partyja (kala 32%), na druhim miescy Sacyjalistyčnaja partyja, jakaja ciapier va ŭładzie (kala 30%), na trecim miescy krajnie pravaja partyja Vox (kala 10%).

Hałasujučy ŭ Fłandryi, premjer-ministr Bielhii Alaksandr de Kro (Bielhija ciapier staršyniuje ŭ ES) papiaredziŭ, što Jeŭropa znachodzicca «na rostaniach» i «pad ciskam, jak nikoli».

Kamientary17

  • Acab
    09.06.2024
    Ŭzirajusia na fotu pry artykule. Biurakratyčny inkubatar vyšejšy za babilonskuju viežu, škrebaje dacham baki miesiačyku ŭ niebie i skroź vypramianiaje standarty, normy, kvoty i rehulacyi stand
  • Nacdem
    10.06.2024
    Levakam kaniec
  • Čytač
    10.06.2024
    Levaki sa svaimi hienderami-šmienderami ŭžo zakalebali ŭsich! Tamu majatnik pajšoŭ u druhi bok.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Novym śpikieram Kaardynacyjnaj rady, chutčej za ŭsio, stanie Arciom Bruchan6

Novym śpikieram Kaardynacyjnaj rady, chutčej za ŭsio, stanie Arciom Bruchan

Usie naviny →
Usie naviny

Biełaruskich školnikaŭ buduć vučyć kiravać dronami13

Biełaruskija ŭłady letaś dasłali zapyt na vydaleńnie 50 videa z YouTube. Im admovili3

Džuli Devis, jakuju niekali pryznačali pasłom ZŠA ŭ Biełarusi, uznačalić dypmisiju ŭ Kijevie

Top-3 karumpavanyja prezidenty Uschodniaj Jeŭropy — novy fejk 1

«My zrabili bolš za lubuju inšuju dziaržavu». Tramp abviaściŭ 8 maja Dniom Pieramohi ŭ ZŠA30

Minčanka paprasiła Kucharava pamianiać joj kvateru praź infrahuk ad susiedskaha kampjutara3

Hihin atakuje Ejdelman za lekcyju pra BNR: Pustoje miesca, poŭny čajnik39

Rasijskija ŭłady ŭ 2024 hodzie zapatrabavali ad Google vydalić rekordnuju kolkaść kantentu3

Insajdar raskazaŭ, što Chataba atrucili «Navičkom». Pamior i kupleny ahient, jaki pieradaŭ jamu list13

bolš čytanych navin
bolš łajkanych navin

Novym śpikieram Kaardynacyjnaj rady, chutčej za ŭsio, stanie Arciom Bruchan6

Novym śpikieram Kaardynacyjnaj rady, chutčej za ŭsio, stanie Arciom Bruchan

Hałoŭnaje
Usie naviny →

Zaŭvaha:

 

 

 

 

Zakryć Paviedamić