«Heta žyvaja materyja». Biełaruś patrabuje źmianić formułu cany na rasijskuju naftu
Raman Hałoŭčanka, mahčyma, pryadkryŭ zakuliśsie vizitu Łukašenki na Vałaam.
Biełaruś prapanuje asučaśnić formułu cany rasijskaj nafty, paviedamiŭ žurnalistam premjer Biełarusi pa vynikach siońniašniaj narady ŭ Łukašenki pa mižnarodnych pytańniach, piša BiełTA.
Jak rastłumačyŭ kiraŭnik urada, ciapier pamiž Biełaruśsiu i Rasijaj niama niejkich vostrych nievyrašalnych pytańniaŭ. Idzie charakterny dla krain z takimi ciesnymi ŭzajemasuviaziami praces vybudoŭvańnia madelaŭ supracoŭnictva ŭ kankretnych śfierach. U hetym pracesie tak ci inakš uźnikajuć niekatoryja pytańni, u tym liku jakija patrabujuć rašeńnia na ŭzroŭni kiraŭnikoŭ.
«Adny pytańni vyrašajucca, uźnikajuć novyja. Heta žyvaja materyja. Adnosiny (Biełarusi i Rasii) raźvivajucca vielmi burna, tamu to tam, to tam uźnikajuć niejkija pytańni, — rastłumačyŭ Raman Hałoŭčanka. — Tyja ci inšyja pytańni zaŭsiody jość na paradku dnia. Tamu Łukašenka i Pucin časta sustrakajucca».
Pavodle słoŭ premjer-ministra, madel supracoŭnictva dźviuch krain vybudoŭvajecca nastupnym čynam: kiraŭniki abmierkavali, dali ŭkazańni, paznačyli asnoŭnyja padychody, a zatym urady i ministry kładuć na papieru dasiahnutyja damoŭlenaści.
«Kanstrukcyi hetyja zaŭsiody niaprostyja. Jany zaviazanyja na surjoznyja finansavyja pytańni, uzajemnuju finansavuju, vytvorčuju, łahistyčnuju padtrymku. Heta ŭsio treba pakłaści na papieru», — skazaŭ jon.
Havoračy ab vynikach niadaŭnich pieramoŭ Alaksandra Łukašenki i Uładzimira Pucina na Vałaamie, premjer-ministr adznačyŭ: «Ciapier jany taksama abmierkavali, dali daručeńni. My budziem z rasijskimi kalehami ich adpracoŭvać».
Adno z pytańniaŭ, u pryvatnaści, datyčycca formuły cany na naftu. Nieabchodnaść jaje karekciroŭki Raman Hałoŭčanka patłumačyŭ dynamičnymi źmienami na naftavym rynku, u tym liku ŭ častcy ŭmoŭ pastavak i cenavaj kanjunktury na rasijskuju naftu ŭ adnosinach da etałonnych hatunkaŭ.
«Treba asučaśnić formułu cenaŭtvareńnia, kab jana ŭličvała novyja faktary, a nie tolki tyja, jakija dziejničali, kali hetaja formuła prymałasia», — patłumačyŭ premjer-ministr.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary