Hramadstva66

Siarhieja Čałaha i žurnalistaŭ Biełaruskaha rasśledavalnickaha centra abviaścili ŭ miždziaržaŭny vyšuk

Nieviadoma, pa jakim artykule zaviedzienaja adna ci niekalki spraŭ suprać žurnalistaŭ-rasśledavalnikaŭ.

Staronka prahramy «Noč z Čałym» u fejsbuku

Zasnavalnika i kiraŭnika Biełaruskaha rasśledavalnickaha centra Stanisłava Ivaškieviča i aŭtara videaprahram miedyjaprajekta Siarhieja Čałaha ŭnieśli ŭ bazu vyšuku rasijskaha MUS. Raniej paviedamlałasia pra znachodžańnie ŭ hetaj bazie traich byłych supracoŭnikaŭ BRC, a ciapier žurnalistaŭ «Biuro Miedyja», piša BAŽ.

«Siońnia možam kazać pra toje, što ŭ miždziaržaŭny vyšuk abvieščanyja piać byłych i dziejnych supracoŭnikaŭ Biełaruskaha rasśledavalnickaha centra, — raspavioŭ Biełaruskaj asacyjacyi žurnalistaŭ Stanisłaŭ Ivaškievič. — Pieršymi na heta źviarnuli ŭvahu členy kamandy «Biuro Miedyja», jakija pracavali ŭ BRC na momant pryznańnia jaho «ekstremisckaj arhanizacyjaj». Heta žurnalisty Alaksandr Jaraševič, Alaksiej Karpieka i Volha Alchimienka. Kali ž my pravieryli bazu rasijskaha MUS, to znajšli ŭ rosšuku jašče mianie i Siarhieja Čałaha».

U vieraśni 2022 hoda Biełaruski rasśledavalnicki centr byŭ pryznany rašeńniem Viarchoŭnaha suda Biełarusi «ekstremisckaj arhanizacyjaj».

Na dumku Stanisłava Ivaškieviča, uklučeńnie piaci dziejnych i byłych supracoŭnikaŭ BRC nie źviazanaje ź niejkaj kryminalnaj spravaj u Rasii. Miarkuje, što, vierahodna, heta prosta adlustravańnie sajuznaha vyšuku pa navodcy Biełarusi z nahody kryminalnych spraŭ, zaviedzienych u Biełarusi.

Nieviadoma i pa jakim artykule zaviedzienaja adna ci niekalki spraŭ suprać žurnalistaŭ-rasśledavalnikaŭ.

«Ale, uličvajučy, što ŭ Biełarusi siłaviki prychodzili na adrasy mianie i inšych ludziej, nie abaviazkova źviazanych z BRC siońnia, pryblizna ŭ adzin čas, to heta moža śviedčyć pra toje, što heta ŭsio praciah spravy, zaviedzienaj krychu raniej, — razvažaje Stanisłaŭ Ivaškievič. — Miarkuju, što ŭniasieńnie ŭ rasijskuju bazu — heta techničnaje nastupstva taho, što nas abvieścili ŭ vyšuk biełaruskija ŭłady. A čamu ŭłady źviartajuć na nas asablivuju ŭvahu? Siarod inšaha, na maju dumku, praz toje, što našyja publikacyi ŭ tym liku prynosili istotny ekanamičny ŭron karupcyjnym schiemam pad prykryćciom biełaruskich uładaŭ pa abychodzie zachodnich sankcyj suprać Biełarusi i Rasii».

«Heta prykra i aburalna, ale my byli hatovyja ŭžo daŭno da cisku. Adkazam na cisk z našaha boku jość aktyvizacyja našych vysiłkaŭ, što my i prademanstrujem ciaham bližejšych miesiacaŭ. Čakajecca vychad šerahu hučnych rasśledavańniaŭ», — padkreśliŭ žurnalist.

Biełaruski rasśledavalnicki centr 

Stanisłaŭ Ivaškievič zasnavaŭ Biełaruski rasśledavalnicki centr u 2018 hodzie. Kamanda miedyjaprajekta vymušana źjechała ź Biełarusi ŭ 2021 hodzie paśla razhromu siłavikami studyi BRC u Minsku.

Stanisłaŭ Ivaškievič — nieadnarazovy pieramožca tvorčaha konkursu BAŽ «Volnaje słova», łaŭreat premii Global Anti Corruption Champions Award u 2023 hodzie.

Ekanamist, publicyst i žurnalist Siarhiej Čały viadzie pieradačy na YouTube-kanale Biełaruskaha rasśledavalnickaha centra z 2022 hoda. Tut jon aŭtar i viadoŭca prahram «Naviny z Čałym» i «Čały: ekanomika». Łaŭreat premii Global Belarus Solidarity Award 2020.

Kamientary6

  • Anatol Starkou
    31.07.2024
    Vsie łaurieaty priemij. Hieroi nacii, tolko nie s nacijej. Ona v Biełarusi. Čałyj užie mnoho let znajet łučšie pravitielstva RB, čto i kak diełať s ekonomikoj, i udivitielnym obrazom eto propuskajet v efir zapadnaja cienzura s tiech por, kak on živiet na Zapadie. Korrupcionnyje schiemy tožie vidny s Zapada łučšie, čiem iz Biełarusi. Nu žditie svojeho vozvraŝienija v RB po prośbie biełorusskich vłastiej, objavivšich vas v mieždunarodnyj rozysk.
  • Naftalin
    31.07.2024
    Ivaškievič tołkovyj i intieriesnyj žurnalist. Bieź nieho užie davnym davno vsie zabyli kto takoj był kohda-to Čałyj.
    Udivitielno čto zahołovok i tom, čto v rozysk objavlen Čałyj, chotia sam po siebie Čałyj absolutno biezvriedien dla riežima, jeho tak, za kompaniju objavili v rozysk.
  • Janka
    31.07.2024
    Anatol Starkou, a što, jany b byli bolš karysnymi ŭ turmie ŭ stanie inkamunikada? Što ž tyčycca paradaŭ Čałaha - jany słušnyja, ale pokul što nievykanalnyja, bo ŭ rešcie rešt natykajucca na palityčnyja abmiežavańni dyktatury.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić