Siońnia (čaćcier, 24 žniŭnia) vysialeńnia Sajuzu biełaruskich piśmieńnikaŭ z Domu litaratara nie adbudziecca. Pra heta stała viadoma paśla pieramovaŭ kiraŭnictva SBP i pradstaŭnikoŭ administracyi prezydenta.
Vysialeńnie Sajuzu piśmieńnikaŭ, jakoje planavałasia na čaćvier nie adbyłosia. Sudovyja vykanaŭcy, što pryjšli ŭ Dom litaratara dali čas da sierady 30 žniŭnia.
Byłaja staršyńka SPB Volha Ipatava prapanavała raspačać zbor materyjalnych srodkaŭ, kab uratavać nia tolki budynak, ale i biełaruskaje słova.
Prapanovu Ipatavaj padtrymaŭ lider abjadnanaj apazycyi Alaksandar Milinkievič, jaki pryjechaŭ, kab padtrymać piśmieńnikaŭ. Milinkievič zapeŭniŭ, što hatovy ŭziać na siabie vypłatu kamunalnych pasłuhaŭ Domu litaratara.
Zapazyčanaść za arendu budynku pa Frunze, 5 ad 2002-ha hodu skłała 55 młn rub., Volha Ipatava miarkuje, što heta nie takija ŭžo i vialikija hrošy – kab ich niemahčyma było sabrać usim śvietam. Litaratarka pryvodziła prykład "Narodnaj voli", jakaja tak zdoleła spłacić niemałyja štrafy.
A voś siońniašni staršynia SPB Aleś Paškievič strymana adniośsia da inicyjatyvy pačatku zboru hrošaj, jon skazaŭ, što hetaje pytańnie budzie vyrašać Rada Sajuzu, jakaja źbiarecca 29 žniŭnia.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary