«Sukamierniki dapamahali mnie». Vyzvaleny niemiec Patryk Šobiel raskazaŭ pra čas, jaki jon pravioŭ pad aryštam u Rasii
«Rasija zabiraje narkamanaŭ z turmaŭ i adpraŭlaje ich na front u jakaści harmatnaha miasa», — kaža jon.
38-hadovy hramadzianin Hiermanii Patryk Šebiel znachodziŭsia ŭ źniavoleńni ŭ Rasii ź siaredziny studzienia hetaha hoda. Jaho pryhavaryli da realnaha turemnaha terminu za šeść marmieładnych mišak z kanabisam, jakija zastalisia ŭ jaho ŭ zaplečniku. Tydzień tamu, bolš čym praz paŭhoda, Šobiel viarnuŭsia na radzimu ŭ vyniku abmienu źniavolenymi, nahadvaje Bild.
U aeraporcie Kioln/Bon byłych viaźniaŭ sustrakaŭ kancler Ołaf Šolc. Šebiel pryvitaŭ jaho i padziakavaŭ za dapamohu ŭ vyzvaleńni.
Eks-viazień raspavioŭ, što ŭ śledčym izalatary inšyja aryštanty byli «dobryja da jaho».
«Raz u miesiac źniavolenyja atrymlivali pasyłki ad svaich siemjaŭ ź ježaj, dezadarantam i inšymi rečami. Nieŭzabavie ŭsie daviedalisia, što ŭ mianie niama siamji ŭ Rasii, jakaja mahła b dasyłać mnie pasyłki, i jany zaŭsiody dapamahali mnie», — skazaŭ Šobiel u intervju vydańniu Stern.
Pavodle jaho słoŭ, jon nieadnarazova bačyŭ, jak na źniavolenych akazvali cisk, prymušajučy ich adpravicca na vajnu va Ukrainu ŭ abmien na vyzvaleńnie.
«Rasija zabiraje narkamanaŭ z turmy i adpraŭlaje ich na front u jakaści harmatnaha miasa», — rastłumačyŭ jon.
Šobiel daviedaŭsia ab abmienie źniavolenymi ŭ apošniuju chvilinu: navat apynuŭšysia ŭ samalocie, jon nie da kanca razumieŭ, što adbyvajecca.
«Ja padumaŭ, raptam nas adpraviać u sibirskuju kałoniju. I tolki kali niechta ŭ samalocie praciahnuŭ mnie moj pašpart, ja zrazumieŭ, što jany sapraŭdy adpuskajuć mianie dadomu», — dadaŭ Šobiel.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»6
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary