Hałoŭny palitahladalnik Bild zaklikaŭ urad Hiermanii pajści ŭ adstaŭku
Z takim zvarotam vystupiŭ kiraŭnik palityčnaj redakcyi Bild Jan Šefier. Jon ličyć, što kiroŭnaja «śviatłafornaja» kaalicyja z SDPH, «Zialonych» i SvDP vyčarpała siabie.
«Kancler i ministry ŭvieś čas zaklikajuć hramadzian da śmiełaści: na pracy, u vałanciorskaj dziejnaści, u volny čas. Za asablivuju advahu prezident navat uznaharodžvaje ordenami. Na žal, «śvietłafornyja» ministry dalokija ad taho, kab atrymać takija ordeny. Bo toje, što robiać SDPH, «Zialonyja» i SvDP, — zusim nie advažna. Heta haniebna!
Za 13 miesiacaŭ da nastupnych čarhovych vybaraŭ u Bundestah usim jasna: «śviatłafor» vyčarpaŭ siabie, dalej nielha! Ale ni ŭ koha nie chapaje śmiełaści vyjści z kaalicyi. Kab Hiermanija zastavałasia stabilnaj. Jakoje absurdnaje abhruntavańnie. Usio idzie roŭna naadvarot!
Hiermanija z kožnym dniom stanovicca ŭsio bolš niestabilnaj. Z-za sprečak, błakavańnia inicyjatyŭ adzin adnaho i zihzahapadobnaj palityki «śviatłafor» zaciahvaje krainu ŭsio hłybiej i hłybiej u kryzis. Palityka «dalej hetak ža» nie robić ničoha lepš, tolki horš! «Budučynia robicca ź śmiełaści», — taki kaliści byŭ deviz «Zialonych». Ciapier Hiermanii patrebna śmiełaść, kab jaje budučynia była dobraj. Tamu, darahija «śviatłafornyja» partyi: nabiaryciesia śmiełaści, sydzicie ŭ adstaŭku!», — napisaŭ Jan Šefier.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary