Siońnia ŭ Armienii zatrymali Dzijanu Maisiejenka. Dziaŭčynu zatrymali pa palityčna matyvavanym vyšuku z boku Biełarusi, paviedamiŭ u fejsbuku juryst Aleś Michalevič.
«2 vieraśnia a 9 hadzinie ranicy Dzijana była zatrymana pry pierasiačeńni miažy Hruzii z Armienijaj, bo jana znachodzicca ŭ vyšuku ŭ Biełarusi pa adnym z časta ŭžyvanych biełaruskimi ŭładami palityčnych kryminalnych artykułaŭ.
Joj inkryminujuć artykuł 342 č.1 Kryminalnaha kodeksa Respubliki Biełaruś («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»). U Biełarusi joj pahražaje pazbaŭleńnie voli na termin da čatyroch hadoŭ.
Zaraz Dzijana Maisiejenka znachodzicca ŭ adździele palicyi horada Najembieran pa adrasie: vuł. Barekamuciun, 4», — napisaŭ Aleś Michalevič.
Jon paviedamiŭ, što sudovaje pasiadžeńnie budzie pryznačana ŭ bližejšy čas.
«Majo advakackaje biuro ŭžo padklučyłasia da hetaha pracesu. Dumaju, što nam udasca adstajać pravy Dzijany i damahčysia admovy ŭ jaje ekstradycyi z Armienii, pakolki mižnarodnaje prava zabaraniaje ekstradycyju asob, jakija praśledujucca pa palityčnych matyvach, ale patrebnaja dapamoha žurnalistaŭ i Ofisa Cichanoŭskaj, jaki ŭžo painfarmavany», — dadaŭ jon.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary