Palicyja Danii zatrymała šviedskuju aktyvistku Hretu Tunbierh, jakaja brała ŭdzieł u antyizrailskaj demanstracyi, što prachodziła la ŭniviersiteta Kapienhahiena. Manifiestanty, jakich było kala 20 čałaviek, pasprabavali pierakryć uvachod. Zatrymali šeść čałaviek.
Niezadoŭha da aryštu Hreta apublikavała ŭ sacyjalnych sietkach fota demanstrantaŭ. Jaho supravadžaŭ podpis: «My tut, bo inšyja mietady: dyjałoh, demanstracyi, trochhadovaja kampanija nie prymusili ŭniviersitet pahadzicca na patrabavańnie abviaścić akademičny bajkot».
U apošni čas Tunbierh značna bolš aktyŭna zajmajecca padtrymkaj paleścinskich bajevikoŭ, čym baraćboj z hłabalnymi źmienami klimatu. Častka jaje prychilnikaŭ paviedamiła, što razryvaje suviazi z Hretaj praź jaje antyizrailskuju pazicyju, piša newsru.co.il.
Kamientary