Izrail jašče na vytvorčaści zakłaŭ vybuchoŭku ŭ tajvańskija pejdžary dla «Chiezbały» — Reuters
Sa słoŭ krynic ahienctva, izrailskija śpiecsłužby madyfikavali pejdžary na vytvorčym uzroŭni, zakłaŭšy ŭ kožny da troch hram vybuchoŭki. Jana zdetanavała, kali na pejdžary pryjšoŭ śpiecyjalny kod.
Śpiecsłužba Izraila «Masad» zakłała nievialikuju kolkaść vybuchoŭki ŭ 5000 tajvańskich pejdžaraŭ, jakija zamoviła livanskaja hrupoŭka «Chiezbała», za niekalki miesiacaŭ da vybuchaŭ. Pra heta paviedamiła Reuters sa spasyłkaj na krynicy.
U vyniku detanacyi vybuchnuli tysiačy pejdžaraŭ pa ŭsim Livanie, zabiŭšy dzieviać čałaviek i paraniŭšy kala 3000, u tym liku bajevikoŭ hrupoŭki i pasła Irana ŭ Biejrucie, jaki straciŭ voka.
Niekalki krynic paviedamili ahienctvu Reuters, što zmova rychtavałasia šmat miesiacaŭ. Vysokapastaŭlenaja krynica ŭ livanskaj słužbie biaśpieki paviedamiła, što hrupoŭka zamoviła 5000 pejdžaraŭ tajvańskaj kampanii Gold Apollo, jakija, pa słovach niekalkich krynic, byli ŭviezieny ŭ krainu viasnoj.
Bajeviki «Chiezbały» vykarystoŭvajuć pejdžary jak nizkatechnałahičnyja srodki suviazi, sprabujučy paźbiehnuć izrailskaha adsočvańnia ich miescaznachodžańnia, paviedamili krynicy, znajomyja ź dziejnaściu hrupoŭki.
Ale pryłady byli madyfikavanyja izrailskaj špijonskaj słužbaj «na vytvorčym uzroŭni».
«Masad ubudavaŭ u pryładu płatu z vybuchovym materyjałam, jakaja atrymlivaje kod. Jaje vielmi ciažka vyjavić navat z dapamohaj pryłady abo skanara», — skazała krynica.
Krynica paviedamiła, što 3000 pejdžaraŭ vybuchnuli, kali na ich było adpraŭlena zakadavanaje paviedamleńnie, aktyvavaŭšy vybuchoŭku.
Inšaja krynica ŭ orhanach biaśpieki paviedamiła ahienctvu Reuters, što ŭ novych pejdžarach było schavana da troch hramaŭ vybuchoŭki, jakaja miesiacami zastavałasia niezaŭvažanaj «Chiezbałoj».
Tajvańskaja kampania Gold Apolo zajaviła, što nie vyrablała hetyja pejdžary.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary
Tolko Kitaj.
Chotia, boh jeho znajet, čto tam kitajcy zakładyvajut.
Vot rvanut vsie razom...
Jeść padstava I €£¥₩$ zarabić i znajści ahJentaŭ masada .
Pryznajuć masad terarestyčnaj hruppovkaj jak ich " atcoŭ zasnavalnikaŭ" 75 hod tamu