Na praciahu apošniaha tydnia manitorynhavaja hrupa «Biełaruski Hajun» fiksavała pieramiaščeńni padraździaleńniaŭ SPA US RB u Mahiloŭskaj i Homielskaj abłaściach. Imavierna, Mazyrski naftapierapracoŭčy zavod, jaki znachodzicca niedaloka ad miažy z Ukrainaj, biełaruskaja SPA ŭziała pad pastajannuju achovu.
15 vieraśnia ŭ Homielskim rajonie byli zaŭvažanyja dźvie bajavyja i adna transpartna-zaradžalnaja mašyna ZRK «Tor-M2K» 15-j zienitnaj rakietnaj bryhady (u/č 30151). A 16 vieraśnia ŭ vakolicach Babrujska zaŭvažyli adnu bajavuju mašynu ZRK «Tor-M2K».
Batareja ZRK «Tor-M2K» u 15-j zienitnaj rakietnaj bryhadzie była sfarmiravana ŭ studzieni 2023 hoda. A ŭ žniŭni 2024 hoda padraździaleńnie prymała ŭdzieł u vučeńniach, jakija prachodzili na rasijskim palihonie «Ašułuk».
Častka ZRK «Tor-M2K» prybyli ŭ Mazyrski rajon. Pavodle infarmacyi «Biełaruski Hajun», u navakolli n.p. Huryny (Mazyrski rajon) byli raźmieščanyja prynamsi dźvie bajavyja mašyny ZRK «Tor-M2K».
Adlehłaść ad ahniavoj pazicyi da Mazyrskaha naftapierapracoŭčaha zavoda składaje kala dzieviaci kiłamietraŭ.
Uličvajučy blizkuju adlehłaść da NPZ, manitorynhavaja hrupa vykazvaje mierkavańnie, što padraździaleńni vykonvajuć zadaču pa prykryćci zavoda ad srodkaŭ pavietranaha napadu, u pieršuju čarhu, ad bieśpiłotnikaŭ.
«Sam fakt praviadzieńnia ratacyi padraździaleńniaŭ SPA pakazvaje, što pahroza biaśpieki dla Mazyrskaha NPZ pryznanaja piermanientnaj. A pierakidka padraździaleńniaŭ SPA ŭ Mazyrski rajon tolki paćviardžaje hetuju zdahadku», — piša «Biełaruski Hajun».
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary