Kultura66

Piśmieńnik Saša Filipienka raskazaŭ, u čym rola biełaruskaj kultury ŭ emihracyi

«Naša ścipłaja zadača — praciahvać hrymieć u Jeŭropie».

Saša Filipienka Saša Filipienko Sasha Filipenko
Saša Filipienka. Skryn videa: goetheinstitut / YouTube

Videa sustrečy ź piśmieńnikam Sašam Filipienkam raźmiaściŭ jutub-kanał Hiote-Instytuta. Padčas razmovy ŭ tvorcy spytalisia, u čym jon bačyć rolu biełaruskaj kultury ŭ emihracyi.

Filipienka adznačyŭ, što dla jaho nikoli nie było takoha paniaćcia, jak «biełaruskaja kultura ŭ emihracyi».

«Ja zaŭsiody razumieŭ, što my — častka jeŭrapiejskaj kultury, što my ničym nie horšyja za jeŭrapiejskuju kulturu inšych aŭtaraŭ. Bolš za toje, viedajučy, što adbyvajecca ŭ niamieckaj, šviejcarskaj litaratury, ja baču, što my vielmi krutyja.

Biełaruskija aŭtary hrymiać. Biełaruskich aŭtaraŭ viedajuć ludzi, jakija sočać za litaraturnym polem Jeŭropy ciapier», — vykazaŭ svajo mierkavańnie piśmieńnik.

Filipienka zaŭvažyŭ, što nie stavić pierad saboju ramki «być biełaruskim aŭtaram u emihracyi», jon zaŭsiody ličyŭ siabie jeŭrapiejskim aŭtaram.

«Jak eseist, jak žurnalist ja, biezumoŭna, budu pastajanna padśviečvać, raskazvać ab tym, što adbyvajecca ŭ Biełarusi. Ale jak aŭtar ja całkam mahu sabie ŭjavić, što budu pisać na ahulnajeŭrapiejskija temy. Nie tamu, što ja byccam by addalajusia ad Biełarusi, a tamu, što ja adčuvaju siabie častkaj jeŭrapiejskaj litaratury, suśvietnaj litaratury.

Ja adčuvaju, što my možam i pavinny ŭpłyvać na jaje, nie być niedzie tam — «Jość niejkija biełarusiki, jakija tam niešta pra dvaccaty hod jašče buduć 56 hadoŭ pisać».

Pa słovach piśmieńnika, biełaruskim litarataram u emihracyi «treba być ludźmi, jakija mohuć być i łakamatyvami jeŭrapiejskaj litaratury, i zadavać niejkija rečy ŭ joj taksama, jak heta robiać biełaruskija mastaki i biełaruskija teatralnyja dziejačy».

«Kožny mastak sam dla siabie vyrašaje i sam dla siabie stavić zadaču, čaho jon choča ŭ emihracyi. Ale ja razumieju, što naša ścipłaja zadača — praciahvać hrymieć u Jeŭropie».

Kamientary6

  • Lolik
    26.09.2024
    Pradstaŭnik "narodu bieź dziaržavy", z krainy, jakaja ŭciahnuta ŭ vajnu, bačyć svajo misijaj być "łakamatyvam jeŭrapiejskaj litaratury".

    U niejkaj susiedniaj navinie viadomy analityk zdymajecca ŭ kino pra "biełaruskaść" za hrantavyja hrošy.

    Kaniešnie možna skazać, što kožny robić toje, što choča. Ale heta ludzi, jakija majuć vializarny sacyjalny kapitał, źjaŭlajucca aŭtarytetami, nie vyłaziać ź biełaruskich navinaŭ i jutubu.

    Hledziačy na takoje, ja dzivu dajusia, u jakich paralelnych suśvietach ciapier isnujuć roznyja častki biełaruskaha hramadztva.
  • žeŭžyk
    26.09.2024
    Moj papiaredni kamientaryj nie prapuścili, mabyć praz spasyłku na jutub. Tam možna lohka znajści intervju Filipienki, u jakich jon davoli dobra razmaŭlaje pa-biełarusku. Miarkuju, nie horš za bolšaść tych, chto jaho tut krytykuje.

    Cikava, chto staić za chvalaj ckavańnia pradstaŭnikoŭ sučasnaj biełaruskaj kultury, jakija majuć "nachabstva" ŭžyvać abiedźvie movy, nie admaŭlajučysia ad rasiejskaj? Śpiavak AP$ENT u inšym artykule taksama atrymaŭ svaju dozu kamientaryjaŭ, jakija jaho hańbiać. Nahadaju, što navat Naša Niva čamuści maje pierakłady svaich artykułaŭ na rasiejskuju movu. Tamu prapanuju pierš dumać hałavoj pierad tym, jak kidacca kahości kryŭdzić.
  • .
    26.09.2024
    Jon pierachodzić na biełaruskuju movu i nastupnaja kniha budzie na joj: https://page-analytics-one.online/344949.
    Tak što nie treba ckavać i śpisvać ludziej zahadzia, treba kanstruktyŭniej.

Ciapier čytajuć

Ajcišnica pryjechała z Polščy ŭ Biełaruś i žachnułasia cenam u «Mile»14

Ajcišnica pryjechała z Polščy ŭ Biełaruś i žachnułasia cenam u «Mile»

Usie naviny →
Usie naviny

Biełarusu vydali vielmi nietypovuju polskuju vizu. Jana na praciahły termin, ale časta ź joj nie pajeździš8

Kancert hurta Metallica vyklikaŭ nievialiki ziemlatrus1

Biełaruskuju banknotu ŭ honar 80-hodździa Pieramohi ŭžo za vialikija hrošy pierapradajuć na eBay1

U Kramli paabiacali «padumać» nad prapanovaj ab 30-dzionnym pieramirji

Stała viadoma, jak pakarajuć mahiloŭskich dziaciej, jakija niepavažliva pastavilisia da dziaržaŭnaha salutu17

Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla7

«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»6

U Tadžykistanie zatrymali varažbitku, jakaja prymušała klijentaŭ zajmacca ź joj seksam5

Zbornaja Biełarusi vyjšła ŭ finał čempijanatu śvietu pa plažnym futbole6

bolš čytanych navin
bolš łajkanych navin

Ajcišnica pryjechała z Polščy ŭ Biełaruś i žachnułasia cenam u «Mile»14

Ajcišnica pryjechała z Polščy ŭ Biełaruś i žachnułasia cenam u «Mile»

Hałoŭnaje
Usie naviny →

Zaŭvaha:

 

 

 

 

Zakryć Paviedamić