Na Zachadzie zajaŭlajuć, što jość dokazy pastaŭki Kitajem zbroi dla Rasii
Surazmoŭca vydańnia The Times śćviardžaje, što Zachad maje dokazy ŭdziełu nienazvanaj kitajskaj kampanii ŭ pastaŭkach u Rasiju «partyi śpiecyjalnych vajskovych bieśpiłotnikaŭ», jakija vykarystoŭvalisia va Ukrainie. Heta moža aznačać istotnuju eskałacyju ŭdziełu Piekina ŭ vajnie, piša «Jeŭrapiejskaja praŭda».
Krynica admoviłasia raskryvać nazvu kampanii, ale ŭdakładniła, što damova ab pastaŭcy Rasii dronaŭ była vykanana ŭ 2023 hodzie.
«Choć kitajski ŭrad, mahčyma, nie pryznaje hetaha, jon budzie staracca ŭtrymlivać svaju ŭsio bolšuju padtrymku ŭ tajamnicy», — dadaŭ słužboviec, jakoha cytuje The Times.
Jon, adnak, paćvierdziŭ paviedamleńnie ahienctva Reuters pra toje, što Rasija raspracavała ŭ Kitai prahramu ŭzbrajeńniaŭ dla raspracoŭki i vytvorčaści ŭdarnych bieśpiłotnikaŭ dalokaha radyusu dziejańnia, jakija vykarystoŭvajucca ŭ vajnie suprać Ukrainy.
Pradstaŭnik NATA ŭ kamientary The Times adznačyŭ, što novaja infarmacyja pra ŭdzieł Kitaja ŭ vajennaj padtrymcy Rasii «vyklikaje hłybokuju zaniepakojenaść», a členy Aljansu «pravodziać kansultacyi pa hetym pytańni».
U vieraśni namieśnik dziaržsakratara ZŠA Kurt Kempbieł pieršym zajaviŭ, što Kitaj niepasredna dapamahaje rasijskaj vajskovaj mašynie, padtrymlivajučy jaje namahańni pa viadzieńni vajny suprać Ukrainy.
ZŠA nieadnarazova zaścierahali Kitaj ad padtrymki rasijskaj abaronnaj pramysłovaści i ŭviali sotni sankcyj, nakiravanych na abmiežavańnie mahčymaściaŭ Maskvy vykarystoŭvać peŭnyja technałohii ŭ vajskovych metach.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała13
Kamientary
AchachachachchachchaachchachachachachachachachachaachchchaachachachAchachachachchachchaachchachachachachachachachachaachchchaachachachAchachachachchachchaachchachachachachachachachachaachchchaachachachAchachachachchachchaachchachachachachachachachachaachchchaachachachAchachachachchachchaachchachachachachachachachachaachchchaachachachAchachachachchachchaachchachachachachachachachachaachchchaachachachAchachachachchachchaachchachachachachachachachachaachchchaachachach.