Sproby naviedać Maryju Kaleśnikavu ŭ Homieli nie prynosiać pośpiechu
Palitźniavolenaja zastajecca ŭ režymie inkamunikada, i nichto nie viedaje, jaki jaje ciapierašni stan zdaroŭja i što ź joj adbyvajecca, nahadvaje Radyjo Svaboda.
Apošni raz svajaki razmaŭlali z Maryjaj Kaleśnikavaj 18 miesiacaŭ tamu. Paśla suviaź abarvałasia, i z taho času prychodzili tolki naviny, sa słovaŭ inšych źniavolenych, jakija byli ŭ toj samaj homielskaj žanočaj kałonii, pra prośby Kaleśnikavaj ab miedyčnaj dapamozie.
Baćka palitźniavolenaj, Alaksandr Kaleśnikaŭ pa telefonie raskazaŭ karespandentu Associated Press, što sproby naviedać dačku ŭ Homieli nie prynosiać pośpiechu.
Pajezdka ŭ Homiel niekalki miesiacaŭ tamu znoŭ nie dała plonu — achoŭnik na pytańni ab adsutnaści ŭsiakaj suviazi adkazaŭ: «Kali jana nie telefanuje i nie piša, značyć, nie choča».
42-hadovaja Maryja Kaleśnikava, jak vynikała sa słovaŭ byłoj źniavolenaj, jakaja siadzieła ŭ toj samaj kałonii, trapiła ŭ špital u traŭni abo červieni. Ale padrabiaznaści nieviadomyja. Žančyna, jakaja pieradavała hetuju infarmacyju, nazvałasia Natallaj, svajho sapraŭdnaha imia nie nazvała, bo baicca nastupstvaŭ i pomsty ad uładaŭ.
«Ja mahu tolki malicca Bohu, kab jana była žyvaja. Ułady ihnarujuć maje zapyty na sustrečy i listy — heta žudasnaje adčuvańnie biezdapamožnaści dla baćki», — skazaŭ Alaksandar Kaleśnikaŭ.
Apošni raz Kaleśnikava pisała z turmy ŭ lutym 2023 hoda. Listy da jaje «piersanał kałonii rvie na jaje vačach», skazała jaje siastra, pieradajučy słovy inšych byłych źniavolenych.
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary
Kali nie pieršaje i nie druhoje- to zastajucca biezimiennyja mahiły! I heta vybar čałavieka.