Hramadstva55

Pamior litaraturaznaŭca Ivan Čarota

Pierakładčyku, słavistu i pravasłaŭnamu aktyvistu było 72 hady. Jon aburaŭsia rusafobijaj biełaruskaj moładzi i ličyŭ ruskaść «narožnym kamieniem nacyjanalnaj sutnaści biełarusa».

Ivan Čarota. Fota: Sajuz piśmieńnikaŭ

Ivan Alaksiejevič Čarota naradziŭsia ŭ 1952 hodzie ŭ vioscy Łyščyki Kobrynskaha rajona (Bresckaja vobłaść).

Jon skončyŭ BDU (adździaleńnie ruskaj movy i litaratury fiłałahičnaha fakulteta), abaraniŭ doktarskuju na temu «Biełaruskaja litaratura XX stahodździa i pracesy nacyjanalnaha samavyznačeńnia» (1998). Byŭ navukovym kansultantam Biełaruskaj encykłapiedyi.

Pierakładaŭ ź sierbskaj, słavienskaj, makiedonskaj, polskaj i inšych moŭ na biełaruskuju i ruskuju, a taksama ź biełaruskaj i ruskaj na sierbskuju. Vynik jaho prac — bolš za 1200 drukavanych pierakładaŭ, u tym liku zvyš 70 knižnych vydańniaŭ. Siarod ich, naprykład, sieryja knih «Sierbskaje bahasłoŭje XX stahodździa», zbornik «Movy ŭsiaho žyćcia: sierbskija narodnyja kazki» (jaho pryznali najlepšaj knihaj Biełarusi ŭ halinie pierakładu za 2008 hod i ŭznaharodzili Nacyjanalnaj premijaj).

Čarota byŭ taksama akademikam Sierbskaj Akademii navuk i mastactvaŭ, členam Prezidyuma Sajuza piśmieńnikaŭ Biełarusi. Jon łaŭreat premii Respubliki Biełaruś «Za duchoŭnaje adradžeńnie».

U 2015-m Čarota vystupiŭ z artykułam «Realnaje suprać idealnaha» na staronkach rasijskaha šavinistyčnaha časopisa «Naš sovriemieńnik». Prafiesar aburaŭsia tym, što «siłami publicystaŭ, ideołahaŭ-prapahandystaŭ, niadobrasumlennych historykaŭ u nas pudziłam zroblena «rusifikacyja» 1860-ch hadoŭ i nacyjanalnaja palityka savieckaha pieryjadu». Ale mała havorycca pra pałanizacyju.

«Ciapier užo rusafobija tryvała ŭkaraniłasia ŭ śviadomaści praktyčna ŭsich biełarusaŭ, maładziejšych za 30 hadoŭ, — reziumuje aŭtar. — Ich, možna skazać, pierakanali, što być biełarusam aznačaje paśladoŭna i kateharyčna demanstravać svaju asablivaść i adasoblenaść ad ruskaha naroda, ruskaj historyi i kultury, niedatyčnaść da jaje tradycyj i duchoŭnych kaštoŭnaściaŭ, vyłučać i absalutyzavać adroźnieńni ŭ asnoŭnych etnakulturnych prykmietach, asablivaściach nacyjanalnaha charaktaru i h.d.».

A «narožny kamień nacyjanalnaj sutnaści biełarusa — ruskaść», byŭ pierakanany vykładčyk BDU.

Raźvitańnie ź Ivanam Čarotam projdzie ŭ Pietrapaŭłaŭskaj carkvie na Niamizie ab 11-j ranicy ŭ subotu 8 listapada.

Kamientary5

  • Gorliwy Litwin
    08.11.2024
    Nastajaščy biełarus, ad karanioŭ, łatyšonkava-lemiašonkavy. Tut na NN jašče takija pasucca Žvir i Starkoŭ, ale kaniešnie nie tolki jany. Pa pravasłaŭnych śviatach usie Navinki ich mašynami zastaŭlenyja
  • Jazep
    08.11.2024
    Całkam zhodny ź niabožčykam: «narožny kamień nacyjanalnaj sutnaści biełarusa — ruskaść». Bo biełarusy i ŭźnikli paśla taho, jak dałučylisia (volna ci niavolna) da RPC. U rasiejskaj imperyi usie, chto dałučaŭsia da RPC, stanaviŭsia ruskim (vielikarusam, małarosam, biełarusam). Miljony uhra-finaŭ takim čynam stali ruskimi. Čamu našy prodki vyklučeńnie?
  • Gorliwy Litwin
    08.11.2024
    Ličyŭ ruskaść «narožnym kamieniem nacyjanalnaj sutnaści biełarusa» - dyk vy ž i pahladzicie na ŭsiu historyju apošnich 200 hadoŭ, na hieapalityčny vybar paśla abvieščańnia h.zv. "niezaležnaści", na sposaby kiravańnia krainaj, na źmiest adukacyi, da paprostu na źmiest hałovaŭ absalutnaj bolšaści biełych rusaŭ - dyk jasna što toj Čarota mieŭ faktyčnuju racyju. I prytym jon nie ciarpieŭ navat tych kvołych reštak panska-łacinskich, jakija niejkim cudam pieražyli BSSR, chacieŭ poŭnaha ich vykaranieńnia, što paśpiachova i adbyvajecca.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Usie naviny →
Usie naviny

Pamior polski architektar biełaruskaha pachodžańnia Michał Bałaš 1

Stała viadoma, suprać jakich pradpryjemstvaŭ uviedzieny 18-y pakiet sankcyj ES17

Daviedalisia, jak spravy ŭ Ryhora Kastusiova — jość dobryja naviny6

Žychar Barysava napisaŭ skarhu ŭ kinaprakat z-za nazvy filma, jakaja ŭviała ŭ zman2

U Polščy ŭ taksi biełarusa na chutkaści ŭrezałasia dziaŭčyna na samakacie i zapatrabavała vialikuju kampiensacyju15

Pary, jakija paznajomilisia ŭ internecie, mienš ščaślivyja? Voś što kaža novaje daśledavańnie4

Brytanija zajaviła, što HRU zadoŭha da atručvańnia Julii Skrypal uzłamała jaje imejł

Biełaruska atrymała dazvoł na pražyvańnie ŭ Polščy paśla pieršapačatkovaj admovy

8000 jeŭra Siarhieju Cichanoŭskamu sabrali za pałovu dnia13

bolš čytanych navin
bolš łajkanych navin

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Hałoŭnaje
Usie naviny →

Zaŭvaha:

 

 

 

 

Zakryć Paviedamić