Śviet44

Prezident Finlandyi: Rasijskamu impieryjalizmu nie vidać kanca. Treba być hatovymi da ŭsiaho i nie panikavać

Prezident Finlandyi Alaksandr Stub prakamientavaŭ źmieny ŭ hieapalitycy i vykazaŭ svajo bačańnie na budučyniu NATA ŭ suviazi z abrańniem Donalda Trampa prezidentam ZŠA.

Alexander Stubb Aleksandr Stubb Alaksandr Stub
Prezident Finlandyi Alaksandr Stub. Fota: Carl Court / Getty Images

Prezident Finlandyi Alaksandr Stub u subotnim intervju vydańniu Ilta-Sanomat abviaściŭ, što jaho kraina ŭskočyła ŭ NATA «ŭ apošni momant».

«Ja ŭdziačny za heta sajuźnikam. Biezumoŭna, ciapier, kali ty ŭžo ŭ NATA, lahčej dychajecca», — cytuje finskaje vydańnie słovy Stuba.

Palityk taksama dadaŭ, što ŭ sučasnych umovach Finlandyja «nie abaviazkova» atrymała b padtrymku dla členstva ŭ Aljansie. Stub padkreśliŭ, što «jaho acenka vynikaje nie tolki z abrańnia Donalda Trampa prezidentam ZŠA, ale i z vajennaj situacyi va Ukrainie i ahulnaj stomlenaści ad vajny».

«Na siońniašnim etapie było b vielmi ciažka znajści arhumienty, čamu Finlandyja pavinna ŭstupić u NATA, kali, naprykład, pahladzieć na pazicyju Hiermanii. Tamu było vielmi važna zrabić krok da dźviarej [NATA] na rańnim etapie vajny», — padkreśliŭ jon.

Stub taksama pryznaŭ, što Finlandyja, niahledziačy na ​​toje, što znachodzicca ŭ samym mahutnym vajskovym aljansie, pavinna być hatovaja «da absalutna ŭsiaho z boku Rasii».

«Ja nie baču kanca rasijskamu impieryjalizmu, pry jakim terytoryja pašyrajecca niezakonnymi mietadami. (…) Treba być hatovymi absalutna da ŭsiaho, što tyčycca Rasii», —

skazaŭ jon, padkreśliŭšy, što Rasija praciahvaje pieraŭzbrojvacca i praź niekalki hadoŭ zmoža adnavić svoj patencyjał da ŭzroŭniu, jaki mieła na pačatku vajny z Ukrainaj.

Stub adznačyŭ nieabchodnaść psichałahičnaj stojkaści i hatoŭnaści žyć va ŭmovach, kali adsutničaje poŭnaja jasnaść abo stabilnaść:

«Treba być zdolnym vytrymlivać hetuju svojeasablivuju niapeŭnaść. (…) Havaryć ab Treciaj suśvietnaj vajnie abo jadziernaj vajnie nie vielmi razumna. (…) Niama sensu panikavać».

Adpaviedna słovam prezidenta Finlandyi, z novaj eraj Trampa, napeŭna, budzie cisk na partnioraŭ pa NATA, kab jany pavialičyli vydatki na abaronu vyšej za 2% (vydatki Finlandyi składajuć prykładna 2,5%). U toj ža čas Stub nie vieryć u toje, što ZŠA pad kiraŭnictvam Trampa zrobiać radykalny pavarot u palitycy adnosna ŭdziełu ŭ NATA albo svajoj prysutnaści ŭ Jeŭropie.

«Samyja važnyja sajuźniki amierykancaŭ znachodziacca ŭ Jeŭropie», — adznačyŭ Stub. Ale pry hetym jon padkreśliŭ, što «adkaznaść za biaśpieku źmienicca».

Nahadajem, što z pačatkam vajny Rasii va Ukrainie Finlandyja pierahledzieła svoj niejtralny status i padała zajaŭku ab ŭstupleńni ŭ NATA. 4 krasavika 2023 hoda, mienš čym praz hod, jana była pryniata ŭ Aljans. Heta źjaŭlajecca samym chutkim pracesam ustupleńnia ŭ historyi.

Dałučeńnie Finlandyi da NATA ŭzmacniła abaronienaść Centralnaj Jeŭropy i Bałtyi.

Kamientary4

  • Acab
    10.11.2024
    A tam nia kvota-kabieta prezydenša, ŭsio chvalilisia niejkaj palitykiesaj, jakaja pa klubach načyma snoŭdajecca
  • poniatno,
    10.11.2024
    čto orko-impierializm nie zakončitsia do tiech por, poka nie zakončatsia sami orki i ich cyhanskije podśvinki.
  • Vasil
    10.11.2024
    Nie moža być bajazdolnym nijaki sajuz, dzie krainy-limitrofy majuć prava hołasu i roŭnyja pravy z krainami, jakija majuć sapraŭdnuju armiju. Było b dobra, kab ZŠA vyjšli z hetaj pamyjki. Niachaj lidaram naty stanie Letuva ci Čechija.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni14

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni

Usie naviny →
Usie naviny

Žychar Łatvii jechaŭ u Biełaruś i paznajomiŭsia z umovami biełaruskaha izalatara dla palityčnych

Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ10

U Polščy zatrymanyja 32 čałavieki za supracoŭnictva z rasijskimi śpiecsłužbami. Siarod ich jość i biełarusy4

Pra dalar, tańniejšy za try rubli, možna zabycca? Što adbyvajecca z kursam3

Haradziency ŭ adnym miescy zrezali adrazu 114 baravikoŭ1

Anarchisty sfarmulavali čatyry punkty, jakija pavinien vykanać Stryžak, kab vyrašyć kanflikt56

«Prystroić hrošy, kab pracavali». Sumnaja historyja kaviarni, jakaja «nie ŭźlacieła»4

Łukašenka buduje sakretny zavod pa vytvorčaści dronaŭ u Minsku7

SK apublikavaŭ videazapis padzieńnia bieśpiłotnika ŭ Minsku. Na abłomkach pakazali ŭkrainskija nadpisy45

bolš čytanych navin
bolš łajkanych navin

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni14

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni

Hałoŭnaje
Usie naviny →

Zaŭvaha:

 

 

 

 

Zakryć Paviedamić