Litoŭski ministr raskazaŭ, jak vučyŭsia čytać pa-biełarusku z časopisa «Vožyk»
Ministr unutranych spraŭ Litvy Uładzisłaŭ Kandratovič daŭ vialikaje intervju «Svabodzie» ab prablemach u dačynieńniach ź Biełaruśsiu. Pry hetym litoŭski ministr kala hadziny havaryŭ pa-biełarusku. Uładzisłaŭ Kandratovič patłumačyŭ, jak jon vyvučyŭ biełaruskuju movu, nie chadziŭšy ŭ biełaruskuju škołu.
«Ja dumaju, što ŭsie ludzi, jakija źjaŭlajucca naščadkami Vialikaha Kniastva Litoŭskaha, majuć try movy, jakija hienietyčna iduć ad serca. Heta biełaruskaja, litoŭskaja i polskaja, jakija vykarystoŭvalisia na hetaj terytoryi.
Ja naradziŭsia ŭ Litvie. Sam ja litoŭski palak, i maje prodki byli ź Litvy, a adna halina była z Łyntupaŭ, heta ŭ Biełarusi siońnia.
Ja naradziŭsia na vulicy Biełarusaŭ, jakaja takuju ž nazvu nosić i ciapier, vulica Baltarusių (Bałtarusiu), nie Biełaruskaja, a mienavita Biełarusaŭ.
Tam było šmat pryjechaŭšych biełarusaŭ z Navahradčyny, Ašmianščyny, jakija paśla vajny šukali lepšaha žyćcia i pryjazdžali ŭ Litvu. Ja słuchaŭ ich movu, a razmaŭlać staŭ tolki ciapier, z vami. I ŭ dziacinstvie ja viedaŭ taki časopis «Vožyk», jaki prynios moj siabra i susied. I ja ŭbačyŭ u im pieršyja słovy na biełaruskaj movie, jany byli pračytanyja mnoju z časopisa «Vožyk». Vielmi cikavy jon dla mianie tady byŭ».
Uładzisłaŭ Kandratovič pierakanany, što treba viedać movy ŭsich susiedziaŭ. Kaža, što łatyšskaja mova jašče čakaje jaho.
«Ale litoŭskaja, biełaruskaja, polskaja mova ŭ našym krai, u hetaj miascovaści patrebnyja, kab nie zabyć historyju, jakaja nas źviazvała i źviazvaje da hetaj pary, złučaje nas u adzinuju supolnaść, jakuju dla našaha pakaleńnia, žycharoŭ ciapierašniaha času, treba trymać, kab u budučyni i Biełaruś, i Litva zastavalisia susiedziami, jakija žyvuć družna».
Uładzisłaŭ Kandratovič naradziŭsia 25 lutaha 1972 hodu. Skončyŭ fakultet mieniedžmientu Vilenskaha techničnaha ŭniviersitetu imia Hiedymina. Da 2007 hodu zajmaŭsia biznesam. U 2007 hodzie ŭznačaliŭ adździeł inviestycyj administracyi Vilenskaha rajonnaha samakiravańnia, adnačasova ŭstupiŭ u partyju polskaj mienšaści Vybarčaja akcyja palakaŭ Litvy.
Na municypalnych vybarach 2011 hoda byŭ abrany ŭ radu Vilenskaha rajonnaha samakiravańnia, ale admoviŭsia ad mandatu, zaniaŭšy zamiest hetaha pasadu namieśnika dyrektara rajonnaj administracyi. U 2013—2014 hadach — namieśnik ministra transpartu i suviazi Litvy, u 2023—2024 hadach kiraŭnik Vilenskaj rajonnaj administracyi.
U śniežni 2024 hodu zaniaŭ pasadu ministra ŭnutranych spraŭ Litvy.
-
Na trochbakovaj sustrečy ŭ Abu-Dabi siońnia budzie abmiarkoŭvacca pytańnie terytoryj
-
Kiraŭnik Kuzbasa vybačyŭsia za abvinavačańnie maci ŭ hibieli niemaŭlataŭ u Novakuźnieckim radzilnym domie
-
Paŭdniovaja Kareja pieršaj u śviecie pačała rehulavać štučny intelekt. Ciapier tam abaviazkova markirujuć ŠI-vyjavy
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni11
Kamientary