U Biełarusi z 1 kastryčnika pamianiaŭsia paradak raźliku płaty za žyllova-kamunalnyja pasłuhi dla niezaniatych u ekanomicy hramadzian. Rolik u tyktoku pra toje, što siemji «darmajedaŭ» u šoku ad žyrovak za kastryčnik, vyklikaŭ burnaje abmierkavańnie. Jak vynikaje z kamientaroŭ, u šoku ad sum nie tolki «darmajedy».
Kamunałka istotna pavysiłasia navat u tych, chto aficyjna pracaŭładkavany i nie traplaje ŭ bazy niezaniatych. Ludzi paraŭnoŭvajuć svaje sumy z poŭnymi taryfami i nie bačać vialikaj roźnicy.
«Ja pracuju, a płaču jak darmajed»
Mnohija kamientatary padkreślivajuć, što ŭsie pracazdolnyja členy siamji majuć aficyjnuju pracu, ale ličby ŭ kvitancyjach usio roŭna vyraśli.
«Mnie taksama pryjšła 292 rubli žyroŭka, ale ja aficyjna pracuju i žonka taksama, niezrazumieła čamu».
«Ja pracuju, i žonka pracuje, a płaču za kvateru 330 rubloŭ, toje ž, što i darmajedy, nievialikaja roźnica 365 ad 330 rubloŭ».
«U mianie 39 mietraŭ i cana 250 rubloŭ, choć pracuju».
«Tut i ŭ nie darmajeda vysokaja žyroŭka — 127 rubloŭ tolki pa žyroŭcy».
«U mianie kvatera 70 mietraŭ, ja ŭładalnica, pracuju, žyroŭka pryjšła 150 rubloŭ, prapisana try čałavieki: ja, muž, dzicia».
Ad 150 da 315 rubloŭ za kvateru
Karystalniki aktyŭna dzialilisia kankretnymi sumami za kvatery, i hetyja ličby havorać sami za siabie. Asabliva ździŭlajuć rachunki za adna– i dvuchpakajovyja kvatery.
«Za adnapakajovuju 148 rubloŭ».
«Mnie za vadu pa 120 rubloŭ vystaŭlajuć, 3 čałavieki prapisana».
«My płacim za trochpakajovuju kala 310 rubloŭ z ulikam, što maci-ŭładalnica maje invalidnaść. Voś dzie 700 rubloŭ, heta ŭžo adčuvalna, kaniečnie».
«Adnapakajovaja kvatera — 315 rubloŭ pryjšło((( mama ŭładalnica, žyvie ŭ vioscy i zajmajecca asabistaj haspadarkaj dla ŭłasnych patreb, jana nie darmajed((, ja pracuju ŭ Minsku i žyvu ŭ maminaj kvatery, čamu ja pavinna płacić takuju sumu. Dzie spraviadlivaść».
Asobnaja tema — internaty
Jak vyśvietliłasia, žychary internataŭ płaciać sumy, supastaŭnyja z płataj za paŭnavartasnyja kvatery. Dla mnohich heta vyhladaje absalutna niepraparcyjna cenam za nievialiki pakoj ci błok.
«Mahu vas supakoić: ja žyvu ŭ siamiejnym internacie, pakoj 12 mietraŭ, prapisanyja dva čałavieki — za kastryčnik apłata 140 rubloŭ, u inšych internatach kala 200 rubloŭ za taki ž mietraž».
«Za błok u internacie, žyviom ja i dvoje dziaciej niepaŭnaletnich, kamunałka ŭ minułym miesiacy była 180 rubloŭ, a ŭ hetym 250. I pracuju».
«My apłačvajem internat na čatyroch čałaviek zimoj 320 rubloŭ. Aboje pracujem na dziaržpracy. Nie viedajem, što čakać hetaj zimoj».
«160 rubloŭ za internat, try čałavieki, u dekrecie, miesiac tamu było 144 rubloŭ, šmat śviatła vyjšła».
«Ja ŭ internacie žyvu, u mianie błok — heta dva pakoi, kalidor, tualet, vanna i paŭkuchni, i płaču 340 rubloŭ biełaruskich, nie ličačy, što nas piaciora čałaviek: heta troje dziaciej i my dvoje».
«Za što?»
Niekatoryja karystalniki pryvodziać prykłady niezrazumiełych naličeńniaŭ:
«Mnie naličyli 150 rubloŭ bieź śviatła, hazu i vady. Chacia raniej było 50 rubloŭ — heta maja dola. Pry hetym sami čynoŭniki pa damovie nie prybirajuć fiekalij».
«Piensijanieru naličyli 194 rubloŭ, prapisany adzin».
«Mnie za miesiac i 14 dzion pryjšło 600 rubloŭ».
«A ŭ mianie za 3‑pakajovuju atrymałasia 172 rubli»
Siarod abureńniaŭ znajšoŭsia kamientaryj, jaki vyklikaŭ nie mienš burnuju, ale ŭžo inšuju reakcyju — niedavier. Adna z karystalnic napisała pra svaju niečakana nizkuju žyroŭku:
«Ja nie viedaju, u mianie kvatera trochpakajovaja, čatyry čałavieki prapisana. Kvartpłata 62 rubli + śviatło + vada + 40 rubloŭ sotavyja + telefon + telebačańnie. Atrymałasia 172 rubli».
Hetaja ličba padałasia mnohim nierealistyčnaj:
«Ja taksama nie viedaju — nas try čałavieki, kvatera 43 mietry, za kvateru pryjšło 103 rubli, heta biez usiaho, tolki za kvateru. Niezrazumieła, čamu vam tak mała».
«Sapraŭdy, i mnie niezrazumieła, 43 kvadraty, prapisanaja adna — 72 rubli, na sietkach Minskkamunciepłasietki. U syna toj ža mietraž, prapisany adzin — 53 rubli, ale dom zasiłkavany ad Minskich ciepłavych sietak. Čamu takaja roźnica? Skažam tak, pierahrevu pa aciapleńni niama, značyć, aŭtamatyka spraŭnaja, vada pa ličylnikach, usio ŭ miežach normy. Dyk adkul roźnica???»
Asobnyja abvinavacili jaje ŭ chłuśni, ličać, što heta napisaŭ prapahandyst abo ideołah:
«Nie słuchajcie hetaj chłuśni. Kvatera 45,9 mietra, try čałavieki. 92,83 rubla za kastryčnik. Heta jašče mała, prosta vady tolki siem kuboŭ vyjšła, a tak było b bolš».
«Dumaju taksama, što chłusiać, abo vadoj praktyčna nie karystajucca, ekanomiać. Być takoha nie moža».
«Łuchty nie pišy, u mianie 47 kvadrataŭ, adnapakajoŭka, za minuły miesiac zapłaciła pa žyroŭcy 106 rubloŭ, heta razam sa śviatłom, jano ŭ nas uvachodzić u žyroŭku, i 8 rubloŭ členskija ŭznosy. Internet 30 rubloŭ, mabilny 25 rubloŭ. Voś i ličy, abrydła čytać užo łuchtu vašu».
«U mianie 47 kvadrataŭ — 106 rubloŭ, kaho vy čytajecie, zrazumieła ž, chto heta piša».
Inšyja paraŭnali sa svaimi značna vyšejšymi žyroŭkami:
«53 kvadraty pa žyroŭcy — 82 rubloŭ».
«U mianie dvuška, prapisana čatyry čałavieki, 128 rubloŭ tolki kvitancyja».
«Dva čałavieki za trochpakajoŭku pryjšło z aciapleńniem užo 130 rubloŭ».
«U mianie hetak ža, ale 150 rubloŭ pryjšła žyroŭka».
«Prybraŭ — štraf. Nie prybraŭ — štraf». Ludzi aburajucca zahadami nakont liścia
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»
Z nastupnaha hoda zasialać u arendnaje žyllo buduć chutčej, čym ciapier
Kamientary