Hramadstva1818

Chto taki Jaŭhien Horyn — prapahandyst, jaki biare intervju ŭ palitviaźniaŭ za kratami i klajmić Zachad

Jaŭhien Horyn jeździŭ havaryć za kratami z palitviaźniem Juryjem Ziankovičam. U svaich vystupleńniach jon nazyvaje krainy Bałtyi «maryjanietkami» i krytykuje ZŠA, što ich prezident užo stary. Raspaviadajem pra hetaha prapahandysta.

Jaŭhien Horyn. Fota: SB

45-hadovy Jaŭhien Horyn rodam ź Minska. Pa źviestkach prajekta Digital intelligernce team, jahony baćka — piensijanier KDB i milicyi, maci pracavała ŭ banku. Jaŭhien Horyn maje słužbovy pašpart, jaki daje jamu dadatkovyja mahčymaści pry padarožžach za miažu.

Paśla škoły Horyn vučyŭsia ŭ Instytucie sučasnych viedaŭ imia Šyrokava. Padčas vučoby pracavaŭ z baćkam na futbolnym maniežy i ŭ handlovych centrach u Minsku. A paśla zakančeńnia instytuta, u 2007 hodzie, uładkavaŭsia žurnalistam na STB.

Jaŭhien Horyn. Fota ź jahonaj staronki «Ukantakcie»

Pa vodhukach byłych kaleh, Jaŭhien zaŭždy byŭ prychilnikam režymu Łukašenki.

Adzin ź ich kaža, što Horyn zaŭždy ŭvachodziŭ u puł Łukašenki, jeździŭ ź im na roznyja mierapryjemstvy i byŭ na vielmi dobrym rachunku, ale asabliva nie vypiačvaŭ siabie. «Pracavaŭ i pracavaŭ. Nie pamiataju, kab jon niekaha padstaviŭ ci byŭ błahim čałaviekam. Horyn z tych, chto moža paspračacca z kiraŭnictvam, moža pajści nasupierak».

U 2019-m Horyn pajšoŭ na pavyšeńnie ŭ Biełteleradyjokampaniju. Ciapier jaho pradstaŭlajuć jak palityčnaha ahladalnika. Jon šmat aśviatlaŭ padziei 2020-ha — viadoma, z pazicyi siłavikoŭ. Taksama Horyn jeździŭ na biełaruska-polskuju miažu padčas mihranckaha kryzisu ŭ 2021-m.

Jaŭhien Horyn pryjazdžaŭ na intervju da palitviaźnia Juryja Ziankoviča. Skrynšot z BT

Z apošnich jaho hutarak — intervju za kratami ź Juryjem Ziankovičam u vieraśni 2024 hoda.

Taksama jon razmaŭlaŭ z polskim fanatam Łukašenki i adeptam «ruskaha śvietu» Marcinam Mikałajekam dy ŭdzielnikam šturma kapitolija Evanam Ńjumanam, jakija źbiehli ŭ Biełaruś.

Horyn vystupaje i jak ekśpiert na biełaruskich dziaržaŭnych kanałach. Naprykład, kamientuje padziei va Ukrainie, horača padtrymlivaje Rasiju ŭ vajnie. Maje jon svajo mierkavańnie i nakont krainaŭ Bałtyi — nazyvaje ich «maryjanietkami», jakija zusim stracili niezaležnaść, bo zaležnyja ad krainaŭ-susiedziaŭ.

Vyśmiejvaje vajskova-pramysłovy kompleks ZŠA — maŭlaŭ, techniku jany robiać ledź nie ŭ chlavach, bo paśla razvału SSSR tam usio začyniłasia. Dy i prezident zanadta stary.

Jaŭhien Horyn raspaviadaje pra toje, što VPK ZŠA faktyčna razvaliŭsia

Horyn padtrymlivaje začystku miedyja i niedziaržaŭnych arhanizacyj u 2020-m. I robić vyhlad, što z-za chejtu nie pierajmajecca.

«Z nahody chejtu z boku «nievierahodnych» skažu, što kali ty dobry teležurnalist, to vielmi chutka abzaviadziešsia dosyć tryvałaj skuraj, ustojlivaj da napadak. Tak što dasyłanyja mnie ŭ 2020‑m karcinki‑miemy, pahrozy, a taksama škadavańni ab tym, što ja nie salidaryzavaŭsia z bałvanami, jakija paralizujuć u Minsku ruch pa vychodnych u nadziei, što heta abrynie dziaržavu, u mianie vyklikali chiba što hidlivaść», — kazaŭ jon u intervju «SB. Biełaruś siehodnia».

«Naša Niva» — bastyjon biełaruščyny

PADTRYMAĆ

Kamientary18

  • SHOS
    01.12.2024
    [Red. vydalena]
  • Kruchmalny Zołkin
    01.12.2024
    Milicyjant zabojca, jaki biare interviju z-za krataŭ
  • daviedka
    01.12.2024
    Nieudivitielno, čto syna milicioniera i sotrudnika KHB v itohie zabrali na BT, hdie priedsiedatiel sam byvšij milicionier, a zamiestitiel k niemu pristavlen iz KHB.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ29

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

U «Aziempika» źjaviŭsia surjozny kankurent. Amierykancy ŭžo čaściej kuplajuć mienavita hety preparat dla pachudzieńnia

Tramp uvioŭ pošliny 50% na tavary z Brazilii5

Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie57

Les jak nažom zrezała. Nastupstvy niepahadzi ŭ Minskim rajonie FOTA1

Na aŭkcyjonie ŭ Francyi pradali nošanuju škarpetku Majkła Džeksana2

Dziesiać łajfchakaŭ, jak palepšyć pracu pralnaj mašyny i lepš admyvać rečy7

Niekalki śviedkaŭ kažuć, što bieśpiłotnikaŭ na Minsk lacieła dva13

U jakija krainy dla biełarusaŭ najbolš darahija turystyčnyja vizy? Lidar niečakany2

Indyjskija daktary padčas padrychtoŭki pacyjentki da apieracyi vyjavili novuju hrupu kryvi

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ29

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić