Navuka i technałohii22

Navukoŭcy znajšli sposab zrabić pamidory saładziejšymi

Praciahłaja sielekcyja pamidoraŭ zrabiła ich bolš uradžajnymi, ale zabrała smak. Novaje adkryćcio abiacaje vypravić hetuju prablemu.

Siońnia ŭ pošuku sałodkich pamidoraŭ my zvyčajna źviartajem uvahu na drobnyja hatunki kštałtu čery. A voś nabyvajučy bujnyja, my ryzykujem nie adčuć smaku. Jak tłumačać śpiecyjalisty, pryčyna straty pamidorami sałodkaha smaku źjaŭlacca vynikam baraćby za pavyšeńnie ŭradžajnaści.

Jak piša New Scientist, navukoŭcy daŭno šukali sposab viarnuć pamidoram sałodki smak biez straty ich uradžajnaści. Śpiecyjalisty z Kitajskaj akademii sielskahaspadarčych navuk zdoleli znajści dva hieny, jakija kantralujuć vypracoŭku ŭ pamidorach cukru.

Z dapamohaj «hienietyčnych nažnic» CRISPR navukoŭcy zmahli adklučyć hetyja hieny ŭ adnym z sartoŭ pamidoraŭ. Heta pryviało da rostu ŭtrymańnia ŭ ich hlukozy i fruktozy adrazu na 30% bieź źnižeńnia ŭradžajnaści. Praviedzienyja testy paćvierdzili, što na smak pamidory stali saładziejšyja.

U toj ža čas hienietyčnaja madyfikacyja pryviała da taho, što ŭ pładach pamienšała ŭtrymańnie nasieńnia, jakoje da taho ž stała drabniejšym.

Navukoŭcy adznačajuć, što vyniki ich daśledavańniaŭ nie tolki dapamahli palepšyć smak pamidoraŭ, ale i dazvolili nablizicca da razumieńnia taho, jak u hetaj harodninie vypracoŭvajecca i zachoŭvajecca cukar.

Vučonyja adznačajuć, što na smak pamidoraŭ upłyvaje jašče šmat inšych hienaŭ, jakija čakajuć svajho adkryćcia.

Kamientary2

  • kraina viečna zialonych pamidoraŭ
    21.11.2024
    nam-to z hetaha što?
  • pamidoravy amatar
    24.11.2024
    Hieny-šmieny. Pamidory nie sałodkija, bo heta nie cikava vytvorcam i pradaŭcam. Im cikava kab jany byli ćvierdyja (to bok lohka pieranosili darohu) i kab nie hnili miesiacami.
    Prosta zaraz jem sałodki i nie "dubovy" sa svajho aharodu.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Usie naviny →
Usie naviny

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad9

Hirkin nazvaŭ mahčymyja kirunki nastupnych ukrainskich udaraŭ6

U Minsku ŭžo źjaviłasia novaja siniaja raźmietka1

Na parad u Hrodnie vyvieli kazu. Ź joj akazałasia składaniej, čym ź ludźmi VIDEA10

Što viadoma pra biełarusa Andreja Sakałoŭskaha-Stankieviča, jakoha aryštavali ŭ Rasii i abvinavačvajuć u padrychtoŭcy dyviersii2

bolš čytanych navin
bolš łajkanych navin

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić