Śviet1717

Paŭstancy ŭ Siryi ŭziali Palmiru, šturmujuć Choms, uvajšli ŭ Damask. Dzie Asad — nieviadoma

Siryjskija paŭstancy ŭziali pad kantrol staražytny horad Palmira, paviedamiła tureckaje infarmacyjnaje ahienctva Anadolu. Vojski Bašara Asada sprabavali akazać supraciŭ apazicyi, adnak ich sił akazałasia niedastatkova, adznačaje ahienctva.

Fota: AP Photo/Omar Albam

Krynicy telekanała Al Jazeera śćviardžajuć, što siryjskaja armija pakinuła i svaju najbujniejšuju avijabazu — T-4, raźmieščanuju niepadalok ad Palmiry.

Ciapier paŭstancy padyšli da Chomsa — klučavoha horada, ad jakoha zaležyć suviaź Damaska z uźbiarežžam Mižziemnaha mora. Strata Chomsa, dzie žyvie kala 800 tysiač čałaviek, adreža ŭradavyja siły ad prybiarežnaha rehijonu, dzie raźmieščanyja rasijskija bazy ŭ Tartusie i Chmiejmimie.

Ahienctva Reuters adznačaje, što ŭradavyja vojski ciapier skancentravanyja na abaronie Chomsa, kudy i ściahvajuć siły ź inšych rajonaŭ i vakoł jakoha nanosiać avijaŭdary.

Pavodle danych The New York Times, jakaja spasyłajecca na krynicy siarod iranskich i rehijanalnych čynoŭnikaŭ, pasolstva Irana ŭ Damasku i kiraŭnictva padraździaleńnia Korpusa vartavych iranskaj revalucyi «Al-Kuds», jaki adkazvaje za źniešnija apieracyi, pačali evakuacyju ź Siryi. Hety krok moža śviedčyć pra niazdolnaść Irana praciahvać akazvać Asadu padtrymku, nieabchodnuju dla ŭtrymańnia ŭłady, adznačaje vydańnie.

Na 20:00 pavodle biełaruskaha času byŭ anansavany zvarot da nacyi prezidenta Siryi Bašara Asada, ale ŭ apošni momant jahonaja pres-słužba abvierhła paviedamleńnie, što taki zvarot maje adbycca. Źjaŭlałasia infarmacyja, što nibyta z Damaska ŭ bok krain Piersidskaha zaliva vylataŭ niejki samalot, ale najaŭnaść na jaho borcie Asada — pakul tolki čutki.

Tym časam The Wall Street Journal paviedamiła sa spasyłkaj na siryjskich siłavikoŭ i čynoŭnikaŭ arabskich krain, što žonka Bašara Asada z tryma dziećmi nibyta jašče na minułym tydni vyjechała ŭ Rasiju, a dva ziaci Asada — u Abjadnanyja Arabskija Emiraty.

Bi-bi-si ŭdałosia paćvierdzić sapraŭdnaść videa, na jakim ludzi znosiać biust Chafieza Asada, baćki ciapierašniaha lidara, u pryharadzie Damaska. Na inšych vieryfikavanych videa vidać, jak ludzi zryvajuć vialiki siryjski ściah u Muadamii, raźmieščanaj na poŭdzień ad stalicy. Hetyja videa, jak ličyć vydańnie, mohuć śviedčyć pra poŭny razvał sistemy dziaržaŭnaj biaśpieki ŭ Siryi.

Miž tym Svabodnaja siryjskaja armija — farmavańnie, jakoje padtrymlivajuć ZŠA — uvajšła ŭ pryharad Damaska Irmin. Žychary sustreli jaje bajcoŭ fiejervierkami

SSA była sfarmavanaja siłavikami, jakija pierajšli na bok paŭstancaŭ u 2015 hodzie. 

Inšyja paŭstancy, što nastupajuć z poŭdnia, z rajona Der'a, padyšli da damaskaj turmy ŭ pryharadzie Sachnaja.

Paviedamlajecca taksama, što raniej siońnia SSA pierarezała trasu, jakaja viadzie z Damaska da Chomsa i ŭźbiarežža, dzie znachodziacca rasijskija vajskovyja bazy i žyvuć ałavity, da jakich naležyć kłan Asadaŭ. Paŭstancy vyjšli až na miažu ź Livanam.

U vypadku, kali heta infarmacyja paćvierdzicca, heta budzie aznačać faktyčnaje adrazańnie stalicy Siryi ad Chomsa na poŭnačy, dzie jašče iduć bai, i ad uźbiarežža Łatakii z rasijskimi bazami na zachadzie.

Na hetaj karcie čyrvonym paznačanyja terytoryi, jakija jašče niadaŭna zastavalisia pad kantrolem viernaj Bašaru Asadu siryjskaj armii. Ale situacyja chutka mianiajecca

Kamientary17

  • pričina śledstvije
    07.12.2024
    chuśsiejn,kaddafi,vieniesuelčik.asad.... dieržiś 3 proc. dieržiś...
  • +-
    07.12.2024
    Śliškom bystro: płocho, čto nie uśpieli vtianuť Putina v vojnu i otvleċ riesursy. No čto Erdohan koje-čiem povodił jemu po hubam, eto chorošo. Posmotrim, kak otricatielno pripodniatyj budiet otplasyvať pieried pacanami, diełaja vid kak vsie otlično idiet.
  • Małady chunvejbin
    07.12.2024
    stary litvin, ja b plusanuŭ, kali b "litvin" nie pisaŭ na movie akupanta.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom26

Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom

Usie naviny →
Usie naviny

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

Natalla Ejsmant: Ziankoviča vyzvalili pa prośbie Vašynhtona18

Śpiecpasłańnik Trampa zajaviŭ pra hatoŭnaść Zialenskaha da terytaryjalnych sastupak Rasii13

Prahmatyčnaja aŭtobusnaja kampanija zapuściła rejs ź Minska ŭ Abchaziju. Ale jość niuans4

Sinoptyki papiaredzili pra zamarazki da -5°S u noč na piatnicu, a ŭ niadzielu — składanyja ŭmovy nadvorja

bolš čytanych navin
bolš łajkanych navin

Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom26

Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom

Hałoŭnaje
Usie naviny →

Zaŭvaha:

 

 

 

 

Zakryć Paviedamić