U Minsku zdajuć u arendu kvateru biez vadapravoda, kanalizacyi i prybiralni
Kolki prosiać za takija ŭmovy?
U Minsku šmat samaha raznastajnaha žylla. I ŭsio ž taki na rynku nieruchomaści možna kožny raz znajści niešta novaje i dziŭnaje. Na hety raz prapanujuć kvateru ŭ šmatkvaternym domie-baraku, u jakim niama nijakich vyhodaŭ, piša Blizko.by.
U abjavie prapanujecca ŭ arendu kvatera ŭ 2-paviarchovym cahlanym domie na vulicy Kuźmy Minina. Numar doma nie ŭkazany, ale na fota možna razhledzieć piaciorku na adrasnaj tabličcy. Na ŭsioj vulicy Kuźmy Minina jość usiaho piać žyłych dvuchpaviarchovak, i paraŭnańnie fota z panaramami paćviardžaje, što heta sapraŭdy dom №5 pa vulicy Kuźmy Minina.
A što jość?
Jość padsobka, jakuju možna abstalavać jak druhi pakoj, mebla, dźvie raskładnyja kanapy, ramont — zdavalniajučy, hazavaja plita, płošča 30 kv.m.
Pryhožy vid z akna, vokny vychodziać u dvor, dziciačaja placoŭka, pobač hipiermarkiet, pobač zialonaja zona, chaładzilnik taksama jość (vielmi niepryvabnaha vyhladu).
Haspadar choča zdać kvateru na doŭhi termin, pryčym «bieź dziaciej, biez prablem z ałkaholem».
Košt arendy — 120 dalaraŭ u miesiac + kamunalnyja płaciažy. Taksama haspadar patrabuje zakład, jaki abiacaje viarnuć pry vysialeńni.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki11
Kamientary