Pamior były premjer Indyi Manmachan Sinhch. Jaho ličać stvaralnikam indyjskaha ekanamičnaha cudu
Kraina, jakaja ŭ pačatku 1990-ch hadoŭ znachodziłasia na miažy bankructva, dziakujučy jaho palitycy paniziła padatki, devalvavała rupiju, pryvatyzavała dziaržaŭnyja kampanii i pačała aktyŭna pryciahvać zamiežnych inviestaraŭ
Były premjer-ministr Indyi Manmachan Sinhch pamior va ŭzroście 92 hadoŭ. Paviedamlajecca, što jon znachodziŭsia ŭ špitali ŭ Deli paśla paharšeńnia jaho stanu, piša Bi-bi-si.
Manmachan Sinhch ličycca architektaram libieralnych ekanamičnych reformaŭ, jakija dazvolili Indyi stać adnoj ź dziaržaŭ, jakija chutka raźvivajucca.
Kraina, jakaja ŭ pačatku 1990-ch hadoŭ znachodziłasia na miažy bankructva, dziakujučy jaho palitycy paniziła padatki, devalvavała rupiju, pryvatyzavała dziaržaŭnyja kampanii i pačała aktyŭna pryciahvać zamiežnych inviestaraŭ. Heta ažyviła ekanomiku, padšturchnuła rost pramysłovaj vytvorčaści i dapamahło strymać inflacyju. Ekanamičny rost Indyi zastajecca stabilna vysokim z 1990-ch hadoŭ.
Pa indyjskich palityčnych mierkach Sinhch davoli doŭha znachodziŭsia na pasadzie premjer-ministra — z 2004 da 2014 hoda. Raniej, z 1991 hoda, jon zajmaŭ pasadu ministra finansaŭ.
Jon staŭ usiaho tolki druhim premjeram u historyi krainy, jaki byŭ pieraabrany paśla taho, jak całkam adsłužyŭ svoj pieršy termin. Da jaho heta ŭdavałasia tolki Džavacharłału Neru — pieršamu premjer-ministru niezaležnaj Indyi.
«U demakratyi, kab stać dziaržaŭnym dziejačam, treba spačatku vyjhrać vybary»
Sinhch zaŭsiody adčuvaŭ, što ŭ jaho niama svajoj palityčnaj bazy. Da pryznačeńnia ministram jon byŭ technakratam — ekanamičnym daradcam urada i Centralnaha banka krainy. U 1999 hodzie jon upieršyniu pasprabavaŭ abracca ŭ nižniuju pałatu parłamienta i prajhraŭ vybary. Na vybarach 2004 hoda jaho taksama čakała paraza.
«Dobra być dziaržaŭnym dziejačam, ale ŭ demakratyi, kab stać dziaržaŭnym dziejačam, treba spačatku vyjhrać vybary», — kazaŭ jon.
Sinhch zajmaŭ miesca ŭ vierchniaj pałacie parłamienta, kudy jaho naminavała partyja «Indyjski nacyjanalny kanhres» (INK).
Na pasadzie premjer-ministra jon akazaŭsia paśla taho, jak lidar partyi Sonia Handzi admoviłasia ad pasady, spasłaŭšysia na nieabchodnaść abaranić partyju ad krytyki z-za taho, što jana naradziłasia ŭ Italii.
Adnak krytyki na praciahu ŭsiaho terminu Sinhcha śćviardžali, što realnyja ryčahi ŭłady zastavalisia ŭ rukach Soni Handzi, a sam jon byŭ tolki dekaratyŭnaj fihuraj.
Manmachan Sinhch byŭ pieršym i pakul adzinym sikcham, jaki zajmaŭ pasadu premjer-ministra. Na hetaj pasadzie jon publična paprasiŭ prabačeńnia ŭ parłamiencie za pahromy 1984 hoda, u jakich zahinuli 3 tysiačy sikchaŭ.
Druhaja kadencyja i spadčyna
Druhi termin premjerstva Sinhcha byŭ aznačany sieryjaj karupcyjnych skandałaŭ, jakija, na dumku mnohich, pryviali da parazy INK na vybarach 2014 hoda. Ułada tady pierajšła da Narendry Modzi ź induisckaj nacyjanalistyčnaj partyi «Bcharatyja Džanata Party», jaki zastajecca premjer-ministram da hetaha času. Mnohija palitołahi paraŭnoŭvajuć Modzi z pravymi papulistami ŭ zachodnich krainach, takimi jak Donald Tramp.
«Indyja smutkuje pa stracie adnaho sa svaich najvydatniejšych lidaraŭ», — napisaŭ Modzi ŭ sacyjalnych sietkach, uspaminajučy pra «mudraść i ścipłaść» Sinhcha.
Rachuł Handzi, lidar Indyjskaha nacyjanalnaha kanhresa i pradstaŭnik dynastyi, zajaviŭ, što «straciŭ nastaŭnika i daradcu». Jaho siastra Pryjanka Handzi adznačyła, što Sinhch «da kanca zastavaŭsia addanym roŭnaści, mudrym, rašučym i śmiełym».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary