Paet, žurnalist i fatohraf Alaksiej Hančuk pamior na 71-m hodzie žyćcia 9 studzienia, paviedamlaje «Supołka biełaruskich piśmieńnikaŭ».
Alaksiej Hančuk naradziŭsia 17 studzienia 1954 h. u v. Navasiołki Kobrynskaha r-na. Skončyŭ kinafotafakultet Maskoŭskaha zavočnaha narodnaha ŭniviersiteta mastactvaŭ.
Byŭ aŭtaram šmatlikich piersanalnych fotavystavaŭ, udzielnikam i dypłamantam abłasnych i respublikanskich fotakonkursaŭ.
Pieršyja vieršy źjavilisia ŭ pieryjodycy ŭ 1970-ch. Drukavaŭsia ŭ zbornikach «Dziadziniec. Paezija Bieraściejščyny» i «Bieraściejskija karani», almanachu «Dzień paezii», «Pieršaćviecie», «LiMie», almanachu «Žyrandola».
Debiutnaja kniha «Bieły hanak» ubačyła śviet u 2010 h. Druhaja kniha paezii — «Bierahi» (2019 h.)
Pachavany ŭ Žabincy.
Kamientary