Epatažny Kazimir Kazimiravič prykoŭvaŭ pozirki minčukoŭ. Vyśvietliłasia, što paŭtara hoda tamu jaho nie stała.
Siamiejnaja historyja dzieda Kazimira trahičnaja. Pierad vajnoj jaho baćki byli represavanyja i vysłanyja ŭ łahier u Mahadan (Rasija). Tam i naradziŭsia Kazimir, 5 sakavika 1949 hoda. Ros jon u dziciačych damach.
«Naradžeńnie dziciaci na zonie było pa-za zakonam, i mamie za heta dali jašče adzin termin. A mianie advieźli ŭ dziciačy dom, kudy — joj nie paviedamili. Paśla vyzvaleńnia ŭ 1952-m mama zastałasia žyć u Mahadanie na volnym pasialeńni, a baćka źjechaŭ šukać mianie», — raskazvaŭ jon.
Praź niekalki hadoŭ maci Kazimira pasialiłasia ŭ Zaparožžy. Jana była ŭpeŭnienaja, što dva jaje Kazimiry — syn i były muž — sustrelisia. Sama jana zaviała novuju siamju. Paźniej dzied Kazimir daviedaŭsia, što jaho baćka rodam ź Biełarusi, vioski Ciešavičy Hrodzienskaha rajona.
U Minsk budučaja haradskaja lehienda pierajechała ŭ 1990-m. Da piensii Kazimir pracavaŭ na budoŭlach, byŭ stalarom, a paśla i dyrektaram Doma kultury. Modnym dydžejem jon staŭ paśla 60. Jeździŭ na hastroli ŭ Hiermaniju, Kazachstan, Kitaj, Kareju.
A jašče pisaŭ vieršy i rabiŭ stylovyja kijki i necke (maleńkija fihurki).
Haradskuju lehiendu možna było sustreć na špacyry kala jaho doma na vulicy Staletava, u parkach Horkaha i Čaluskincaŭ. Jarka ŭbranaha, u kapielušy i soniečnych akularach, z mudrahielistym kijkom, jaho niemahčyma było nie zaŭvažyć.
Dzied Kazimir, pa jaho słovach, byŭ trojčy žanaty. Mieŭ čatyroch synoŭ i dźviuch dačok, jakija žyvuć u Rasii i va Ukrainie.
Mužčyny nie stała 29 červienia 2023 hoda. Pra heta «Našaj Nivie» stała viadoma z bazy danych pamierłych, jakuju zdabyli «Kibierpartyzany».
Dzied Kazimir raskazvaŭ žurnalistam, što mieŭ ankałohiju i pieranios niekalki apieracyj. Ale nie tužyŭ.
«Ja nie hibieju, a žyvu, — byŭ jaho deviz. — Žyćcio majo nie biestałkovaje, cikavaść u im zaŭsiody jość, ja pakinuŭ śled».
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika3
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary