BiełAZ masava padaje ŭ sud na rasijskija firmy. Što adbyvajecca?
Ź vieraśnia 2024 hoda biełaruskaje pradpryjemstva padało ŭ rasijskija sudy bolš za 20 pazovaŭ.
BiełAZ masava padaje pazovy da rasijskich indyvidualnych pradprymalnikaŭ i kampanij. Sutnaść usich pazovaŭ prykładna adnolkavaja. BiełAZ sprabuje spahnać kampiensacyju za parušeńnie vyklučnych pravoŭ na tavarny znak, piša Office Life.
Čaściej za ŭsio havorka idzie pra ipešnikaŭ i jurydyčnych asob, jakija pradavali na markietpłejsach roznyja tavary pad brendam BiełAZ. Naprykład, kalekcyjnyja madeli samazvałaŭ, «jakija vałodajuć prykmietami kantrafaktnaści», birulki, mahnitnyja pazły na chaładzilnik i mnohaje inšaje.
U červieni 2022 hoda kalehija Fiederalnaj słužby pa intelektualnaj ułasnaści Rasii pryznała słoŭnyja abaznačeńni «BiełAZ» i BELAZ ahulnaviadomymi tavarnymi znakami. Takija znaki padlahajuć asablivaj abaronie z boku dziaržavy.
Zvyčajna, BiełAZ patrabuje kampiensacyi ŭ 50 tysiač rasijskich rubloŭ (krychu bolš za 500 dalaraŭ). Taksama ŭ pazovach biełaruskaje pradpryjemstva prosić spahnać ź IP i jurydyčnych asob paštovyja vydatki i vydatki pa apłacie dziaržpošliny za padaču pazovu.
Častka spraŭ razhladajecca ŭ paradku sproščanaj vytvorčaści, to-bok rašeńnie pa spravie prymajecca adnaasobna sudździoj biez vykliku bakoŭ u sud.
U vypadku ź indyvidualnymi pradprymalnikami sud, jak praviła, častkova zadavalniaje patrabavańni BiełAZa i spahaniaje ź IP ad 10 da 25 tysiač rasijskich rubloŭ (ad 100 da 250 dalaraŭ), a taksama pamier dziaržpošliny i paštovyja vydatki. Zrešty, časam sud i zusim spyniaje razhlad spravy, pakolki baki zaklučajuć miravoje pahadnieńnie.
Što tyčycca jurydyčnych asob, to sud čaściej za ŭsio całkam zadavalniaje patrabavańni biełaruskaha pradpryjemstva.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary