Šolc nazvaŭ žadańnie Trampa abmianiać dapamohu Ukrainie na redkaziamielnyja mietały «ehaistyčnym»
Prezident ZŠA Donald Tramp zajaviŭ, što choča vyłučyć umovy dla praciahu vajskovaj i finansavaj padtrymki Ukrainy: jana pavinna pastaŭlać ZŠA kaštoŭnuju syravinu. Fiederalnamu kancleru Hiermanii Ołafu Šolcu hetaja patencyjnaja ździełka nie padabajecca, piša Euronews.
Ołaf Šolc asudziŭ prapanovu prezidenta ZŠA Donalda Trampa źviazać dalejšuju vajskovuju dapamohu Ukrainie z dostupam da jaje kaštoŭnaj syraviny.
Heta było b «vielmi ehaistyčna, vielmi ehacentryčna» — vykarystoŭvać resursy krainy dla finansavańnia abaronnych mahčymaściaŭ, skazaŭ Šolc paśla niefarmalnaha samitu ES u Bruseli 3 lutaha.
Pa słovach niamieckaha kanclera, jakoha cytuje Tagesschau, redkaziamielnyja mietały pavinny być vykarystanyja dla paślavajennaha adnaŭleńnia Ukrainy.
«Heta surjoznyja zadačy, kali ŭličyć vielizarnyja razbureńni. Tamu resursy krainy pavinny być vykarystanyja dla finansavańnia ŭsiaho, što nieabchodna paśla zaviaršeńnia vajny», — padkreśliŭ Šolc.
Napiaredadni Donald Tramp zajaviŭ, što choča damovicca z Ukrainaj ab dostupie da redkaziamielnych materyjałaŭ, nieabchodnych dla vytvorčaści smartfonaŭ, elektramabilaŭ i inšych vysokatechnałahičnych praduktaŭ, u jakaści ŭmovy dla praciahu padtrymki ZŠA ŭ vajnie suprać Rasii.
Kijeŭ, jak vyhladaje, nie suprać takoha varyjantu. Čałaviek, blizki da prezidenta Ukrainy Uładzimira Zialenskaha, paviedamiŭ vydańniu Financial Times, što zaŭvahi Trampa «padobna, adpaviadajuć «płanu pieramohi», pradstaŭlenamu jamu vosieńniu».
Jon skazaŭ taksama, što Ukraina prapanavała Trampu «asablivyja ŭmovy» supracoŭnictva pa klučavych resursach, adznačyŭšy nieabchodnaść ich abarony ad Rasii i Irana.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać9
Kamientary
vot imienno ETO nazyvajetsia ehoističnym i CINIČNYM..
za tri hoda možno było dať vsio, čto nužno, tohda i sdiełok nikakich nie potriebovałoś...
truślivyj choriok...