Cichanoŭskaja na Samicie štučnaha intelektu raskazała pra piać varyjantaŭ, jak technałohii ŠI mohuć dapamahčy demruchu
Śviatłana Cichanoŭskaja biare ŭdzieł u Samicie štučnaha intelektu i demakratyi, jaki prachodzić u Paryžy pad patranažam prezidenta Francyi Emanuela Makrona, paviedamlaje jaje pres-słužba.
Demakratyčnaja lidarka vystupiła na panelnaj dyskusii «AI and Democracy». Jana raspaviała pra toje, jak aŭtarytarny režym u Biełarusi vykarystoŭvaje štučny intelekt dla kantrolu i represijaŭ, a taksama jak demakratyčnyja aktyvisty adaptujuć technałohii dla baraćby za svabodu i pravy čałavieka.
Padčas vystupu Śviatłana Cichanoŭskaja ahučyła 5 varyjantaŭ, jak ŠI moža dapamahčy na šlachu da demakratyi:
— abmiežavańnie dostupu dla dyktataraŭ
«Zabaranicie kantent režymu na vašych płatformach: my pavinny być upeŭnienyja, što vašyja płatformy nie buduć užyvacca dla prapahandy režymu», — skazała Śviatłana Cichanoŭskaja.
— instrumienty dla abarony hramadzianaŭ (biełarusam nieabchodnyja technałohii, jakija dapamohuć abychodzić cenzuru i zachoŭvać ananimnaść. KDB sočyć za kožnym, tamu nam patrebnyja biaśpiečnyja kanały suviazi, VPN-servisy i sistemy pravierki faktaŭ»).
— adukacyjnaja padtrymka (takija hihanty, jak Google, Amazon ci Microsoft, mahli b rabić navučańni ŭ vobłaści ŠI praz hramadzianskija i sacyjalnyja prajekty»)
— padtrymka biełaruskaj movy (akupacyjnaja palityka Rasii nakiravana na rusifikacyju Biełarusi, i technałahičnyja płatformy nie zaŭsiody padtrymlivajuć biełaruskuju movu. A heta našaja sakretnaja zbroja, i jana pavinna žyć».
— važnaść simvaličnych krokaŭ (kali ruski siehmient Vikipiedyi aficyjna źmianiŭ «Biełoruśsija» na «Biełaruś», heta stała mocnaj maralnaj padtrymkaj biełarusaŭ i našaj niezaležnaści).
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary