Tramp raskazaŭ pra razmovu z Pucinym i nazvaŭ ludziej, jakija ŭznačalać pieramovy z Rasijaj
Prezident ZŠA Donald Tramp raskazaŭ u sacsietcy Truth Social pra razmovu, praviedzienuju im z prezidentam Rasii Uładzimiram Pucinym.
«U mianie tolki što była doŭhaja i vielmi praduktyŭnaja telefonnaja razmova z prezidentam Rasii Uładzimiram Pucinym.
My abmierkavali Ukrainu, Blizki Uschod, enierhietyku, štučny intelekt, siłu dalara i inšyja temy.
My abodva razvažali pra vialikuju historyju našych krain i pra toje, što my tak paśpiachova zmahalisia razam u Druhoj suśvietnaj vajnie, uspaminajučy, što Rasija straciła dziasiatki miljonaŭ ludziej, i my taksama stracili tak šmat!
My havaryli pra mocnyja baki našych nacyj i pra vialikuju vyhadu, jakuju my kali-niebudź atrymajem ad sumiesnaj pracy. Ale spačatku, jak my abodva pahadzilisia, my chočam spynić miljony śmierciaŭ, jakija adbyvajucca ŭ vajnie z Rasijaj / Ukrainaj.
Prezident Pucin navat vykarystaŭ moj vielmi mocny pieradvybarčy łozunh «zdarovy sens». My abodva vielmi ćviorda ŭ jaho vierym. My damovilisia pracavać razam, vielmi ciesna, uklučajučy naviedvańnie krain adzin adnaho.
My taksama damovilisia, što našy adpaviednyja kamandy nieadkładna pačnuć pieramovy, i my pačniem z taho, što patelefanujem prezidentu Ukrainy Zialenskamu, kab paviedamić jamu pra razmovu, što ja i zrablu prosta ciapier.
Ja paprasiŭ dziaržsakratara Marka Rubia, dyrektara CRU Džona Retklifa, daradcu pa nacyjanalnaj biaśpiecy Majkła Uołca i pasła dy śpiecyjalnaha pradstaŭnika Styva Uitkafa ŭznačalić pieramovy, jakija, ja ćviorda ŭpeŭnieny, buduć paśpiachovymi.
Miljony ludziej zahinuli ŭ vajnie, jakaja nie adbyłasia b, kali b ja byŭ prezidentam, ale jana adbyłasia, tamu jana pavinna skončycca. Bolš nie pavinna być stračana ni adnaho žyćcia! Ja chaču padziakavać prezidentu Pucinu za jahony čas i namahańni ŭ dačynieńni da hetaha zakliku, a taksama za vyzvaleńnie ŭčora Marka Fohiela, vydatnaha čałavieka, jakoha ja asabista vitaŭ učora ŭviečary ŭ Biełym domie.
Ja vieru, što hetyja namahańni pryviaduć da paśpiachovaha zaviaršeńnia, spadziajusia, chutka!», — napisaŭ Tramp.
Tramp sustreŭsia ŭ Biełym domie ź viernutym z Rasii amierykancam i anansavaŭ vyzvaleńnie jašče adnaho
Na hetym tydni va Ukrainu pryjedzie ministr finansaŭ ZŠA — pieršym z kamandy Trampa
Rasija vyzvaliła źniavolenaha amierykanca ŭ ramkach niejkaj ździełki z ZŠA
Tramp anansavaŭ razmovu ź Zialenskim na hetym tydni
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik14
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary