Kurjeraŭ-machlaroŭ, jakija zabrali ŭ 82-hadovaj piensijanierki 50 tysiač dalaraŭ, zatrymali
Dniami ŭ milicyju źviarnuŭsia ŭnuk paciarpiełaj. 82-hadovaj žycharcy Hrodna patelefanavaŭ nibyta supracoŭnik milicyi i spytaŭ, ci jość u jaje doma bujnaja suma hrošaj, paviedamlaje pres-słužba MUS.
Piensijanierka pryznałasia, što zachoŭvaje amal $50 tys. Surazmoŭca pierakanaŭ jaje, što trymać takuju sumu doma zabaroniena, a dla paźbiahańnia adkaznaści jaje treba zadekłaravać.
Žančyna pavieryła i addała ŭsie źbieražeńni prybyłaj «kurjercy». Tolki paźniej jana raskazała pra heta svajmu ŭnuku, jaki źviarnuŭsia ŭ milicyju.
Milicyjanty vyjšli na śled złačyncaŭ i zatrymali ich na miažy. Pry padazravanych była znojdziena ŭsia suma, jakaja budzie viernuta paciarpiełaj.
Fihurantam pahražaje da 10 hadoŭ pazbaŭleńnia voli.
MUS nahadała, što supracoŭniki pravaachoŭnych orhanaŭ, dziaržaŭnych i bankaŭskich ustanoŭ nie telefanujuć hramadzianam z prośbami pravieści finansavyja apieracyi. Pry atrymańni takich zvankoŭ nieabchodna adrazu ž spynić razmovu i paviedamić u milicyju.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary