Abmienieny rasijski špijon infarmavaŭ HRU pra biełaruskija demsiły ŭ Polščy
Rasijski špijon Pavał Rubcoŭ (Pabła Hansales), jakoha abmianiali, infarmavaŭ HRU Rasii ab tym, što adbyvajecca ŭ biełaruskich demsiłaŭ u Polščy, śćviardžaje polskaja hazieta Wyborcza. Publikacyju zaŭvažyŭ Reform.
Rubcoŭ byŭ zatrymany ŭ Polščy 28 lutaha 2022 hoda. Jon znachodziŭsia pad aryštam z 2 sakavika 2022 hoda pa 31 lipienia 2024 hoda.
U žniŭni 2024 hoda jon staŭ častkaj bujnoha abmienu pamiž Rasijaj i Zachadam. Nieŭzabavie paśla abmienu polskaja prakuratura pieradała ŭ sud abvinavačvańnie suprać jaho. Jamu pahražała da 20 hadoŭ turmy, ale praces, chutčej za ŭsio, nikoli nie pačniecca, ličyć hazieta Wyborcza.
Tuju niesakretnuju častku spravy ad śledčych, jakuju pieradali ŭ abłasny sud, składajuć pratakoły ahladu jaho elektronnych pryład. Pa joj žurnalisty i zrabili vysnovu ab źviestkach, jakija špijon pieradavaŭ HRU.
U abvinavaŭčym zaklučeńni havorycca, što jon źbiraŭ infarmacyju ab krytyčnaj infrastruktury, sistemach i abjektach, važnych dla biaśpieki Polščy i jaje hramadzian.
U materyjałach spravy, jakuju raspačała suprać jaho polskaja prakuratura, zhadvajucca biełaruskija apazicyjaniery, baćki Ramana Pratasieviča, były supracoŭnik Ministerstva finansaŭ Polščy, palitołahi Varšaŭskaha ŭniviersiteta, žurnalistka Mahdalena S., ź jakoj jon pasiabravaŭ u Armienii, i mnohija inšyja.
U vieraśni 2020 hoda Hansales adpraviŭ padrabiaznuju infarmacyju ab dziejnaści biełaruskaj demakratyčnaj apazicyi paśla stvareńnia ŭ Varšavie Kaardynacyjnaj rady ŭ emihracyi.
Jon taksama zacikaviŭsia fondam Žanny Niamcovaj, dački zabitaha ŭ Maskvie ŭ 2015 hodzie Barysa Niamcova.
Rubcoŭ taksama špijoniŭ za klinikami ŭ Barsiełonie i Łazanie, dzie lačyŭsia Alaksiej Navalny paśla sproby jaho atručvańnia ŭ Rasii.
U čaćvier 6 sakavika, sud u Varšavie pavinien razhledzieć mahčymaść vydačy ordera na jaho aryšt. Paśla hetaha za im možna budzie abviaścić mižnarodny vyšuk. Kali heta adbudziecca, Pavieł Rubcoŭ nazaŭždy zastaniecca ŭ Rasii — u luboj inšaj krainie jaho mohuć zatrymać i ekstradavać u Polšču.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary