U Dziaržaŭnym pamiežnym kamitecie paviedamili pra adkryćcio novaha kompleksu pamiežnaj zastavy «Naroŭla» Mazyrskaha pamiežnaha atrada. Novy kompleks pabudavali «u suviazi z novymi ryzykami z boku sumiežnaj dziaržavy».
Jak adznačajecca ŭ aficyjnym paviedamleńni, heta padraździaleńnie pačało achoŭvać miažu z Ukrainaj 31 kastryčnika 2018 hoda.
Pieršapačatkova pamiežniki raźmiaščalisia ŭ adnym z pamiaškańniaŭ, što naležała Naraŭlanskaj pierasoŭnaj miechanizavanaj kałonie. Na jaje terytoryi byŭ raźmieščany kompleks, jaki ŭklučaŭ słužbovyja, spalnyja i składskija pamiaškańni.
«U suviazi z novymi ryzykami z boku sumiežnaj dziaržavy, a taksama pavieličeńniem 3 maja 2021 hoda ŭčastka, jaki treba było achoŭvać, pamiežny post «Naroŭla» pieraŭtvaryli ŭ pamiežnuju zastavu», — patłumačyli ŭ Dziaržaŭnym pamiežnym kamitecie Biełarusi.
Novy kompleks pačali budavać u kancy lutaha 2023 hoda. Na terytoryi kompleksu, akramia žyłych pamiaškańniaŭ, abstalavali miescy dla zachoŭvańnia i ramontu techniki, hadavalnik dla słužbovych sabak. Dla praviadzieńnia zaniatkaŭ pabudavali haradok pamiežnaj słužby i spartyŭnyja abjekty.
Pamiežnaja zastava «Naroŭla» achoŭvaje ŭčastak dziaržaŭnaj miažy z Ukrainaj praciahłaściu bolš za 60 kiłamietraŭ. Miaža prachodzić pa terytoryi Paleskaha dziaržaŭnaha radyjacyjna-ekałahičnaha zapaviednika. Na hetaj terytoryi šmat bałot.
Ciapier čytajuć
Jak u halečy śpivałasia radnia Łukašenki? Małaviadomyja fakty49
Kamientary