Vice-prezident ZŠA adkazaŭ na źjedlivuju krytyku svajho stryječnaha brata, jaki vajavaŭ za Ukrainu
Vensa spytali pra krytyku brata, jaki nazvaŭ jaho i Trampa «karysnymi idyjotami Uładzimira Pucina». Nejt Vens dva z pałovaj hady vajavaŭ va ŭkrainskaj armii.
Vice-prezident ZŠA Džej Dzi Vens adkazaŭ u paniadziełak na krytyku svajho stryječnaha brata Nejta nakont jaho stratehii ŭ rasijska-ŭkrainskaj vajnie.
Nejt Vens, jaki vajavaŭ va Ukrainie suprać Rasii, raspavioŭ ŚMI svaje dumki nakont pieramovaŭ pamiž prezidentam Donaldam Trampam, vice-prezidentam Džej Dzi Vensam i prezidentam Ukrainy Uładzimiram Zialenskim.
«Donald Tramp i moj stryječny brat, vidavočna, dumajuć, što zmohuć abyhrać Uładzimira Pucina. Jany pamylajucca. Ruskija nie źbirajucca zabyvać pra našu padtrymku Ukrainy. My karysnyja idyjoty Uładzimira Pucina», — vykazaŭsia jon.
Nejt Vens dadaŭ, što pakinuŭ paviedamleńni ŭ ofisie svajho stryječnaha brata na hetuju temu. «Ja moh skazać jamu praŭdu, biez prytvorstva, biez asabistych intaresaŭ. Jon nie sprabavaŭ daviedacca bolš», — dadaŭ Nejt Vens.
U zajavie dla Fox News Digital vice-prezident Vens skazaŭ, što nikoli nie kazaŭ publična pra słužbu svajho stryječnaha brata, tamu što «nie chacieŭ padviarhać svajo žyćcio jašče bolšaj niebiaśpiecy, čym jano było».
«Što tyčycca jaho krytyki, ja nie zacikaŭleny ŭ sprečkach ź im publična, ale ja liču nieabchodnym zakranuć adnu prablemu ŭ pryvatnaści: jaho niaŭdałuju sprobu źviazacca sa mnoj. Ja nie razumieju, čamu Nejt adčuŭ nieabchodnaść źviarnucca ŭ moj ofis u Sienacie, a nie da svajoj mamy, baćki abo siastry, z usimi ź jakimi ja rehularna kantaktuju», — skazaŭ Vens.
Vice-prezident dadaŭ, što «zaŭsiody ličyŭ Nejta samym ćviordym čałaviekam, jakoha [jon] viedaŭ», i što jon «zaŭsiody byŭ rady ź im pahavaryć».
47-hadovy Nejt Vens — stryječny brat vice-prezidenta ZŠA Džej Dzi Vensa i były amierykanski marski piechaciniec. Jon byŭ dobraachvotnikam u składzie viadomaha padraździaleńnia ŭkrainskaj armii pad nazvaj «Vaŭki Da Vinčy».
U Nejta i Džej Dzi Vensa supolnyja babula ź dziadulem, maci Džej Dzi — siastra baćki Nejta.
Z 18 da 22 hadoŭ Nejt słužyŭ u amierykanskaj marskoj piachocie, paśla ŭ Techasie rabiŭ karjeru ŭ naftavaj kampanii.
Kali pačałasia poŭnamaštabnaja vajna Rasii va Ukrainie, jon rašyŭ pajechać na front. U červieni 2022 hoda mužčyna ŭžo byŭ na Danbasie. Jon udzielničaŭ u bajach za Kupiansk, Bachmut, Aŭdziejeŭku i Pakroŭsk.
Nejt zvolniŭsia z ukrainskaj armii ŭ studzieni 2025 hoda, za niekalki dzion da taho, jak jaho stryječny brat byŭ pryviedzieny da prysiahi jak vice-prezident ZŠA.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
Dzi Vens ni stračany kančatkova ..