«Na piensii skažacie dziakuj». Jak biełarusy ŭkładvajucca ŭ kryptu

Pa danych štohadovaha vialikaha resierču-2023 Devby.io, krypta jość u 19% ajcišnikaŭ, jašče ŭ 5% — była. U mikra-resierčy pra kryptu pryniali ŭdzieł 183 čałavieki, u asnoŭnym mužčyny, uzrovień u IT — midł i vyšej. Tolki 12 udzielnikaŭ — nie ź IT.

Pałova žyvie ŭ Biełarusi (46%), pałova — za miažoj, u asnoŭnym u Polščy. U bolšaści zamiežnych udzielnikaŭ jość jak minimum časovy DNŽ, na adnoj tolki vizie — tolki 2%.

Z punktu hledžańnia vopytu, kryptainviestary padzialilisia prykładna napałovu: amal 40% inviestujuć plus-minus hod, astatnija — z prystojnym stažam.

Jak daŭno pradajecie/kuplajecie kryptu?

Pavialičyć

Dzie jany addajuć pieravahu zachoŭvać kryptu? Samy papularny instrumient — kašalki na kryptabiržy (amal 70%).

Jakija sposaby zachoŭvańnia vykarystoŭvajecie?

Pavialičyć

Amal 40% karystajucca pasłuhami najbujniejšaj kryptavalutnaj płatformy Binance.

Na druhim miescy ByBit, jakaja ŭ lutym 2025 apynułasia ŭ centry skandału: chakiery skrali 499 000 ETH ($1,4 młrd), ich nibyta całkam «admyli» za 10 dzion. U top-3 taksama ŭvajšła kryptabirža OKX. U lutym hetaha hoda płatforma atrymała poŭnuju licenziju Markets in Crypto-Assets( MiCA), jakaja dazvalaje pracavać na ŭsioj terytoryi ES.

Pasłuhami jakoj kryptabiržy/biržaŭ vykarystoŭvajecie?

Pavialičyć

Niekalki ŭdzielnikaŭ raspaviali, što karystajucca pasłuhami kryptabiržy ź biełaruskimi karaniami dzengi.com. 18,5% naohuł nie karystajucca kryptabiržami. 

Upłyŭ sankcyj ES

Bolšaść (amal 66%) upeŭnienyja, što abmiežavańni nijak ich nie zakranuli i nie zakranuć. Jašče 30% nie viedajuć. Tolki 5 čałaviek ličać, što ich zakranuła.

Cikava, što aściarohi nakont zamarozki aktyvaŭ pry hetym dosyć vysokija. Jość i miljaniery.

Žurnalisty paprasili kryptaentuzijastaŭ acanić svaje aktyvy na siońnia ŭ dalaravym vyražeńni. U pałovy — da 5K u ekvivalencie. U dyjapazon «da 50 tysiač dalaraŭ» ukłalisia bolš za 80% respandentaŭ.

Ahulny pamier aktyvaŭ u krypcie ŭ $ ekvivalencie

Pavialičyć

Ale znajšlisia i dalaravyja miljaniery. Adrazu 8 čałaviek acanili svaje kryptaaktyvy ŭ 1 + miljon dalaraŭ. Kali nichto ź ich nie pierabolšvaje, to takich 2%!

Amal va ŭsich kryptaaktyvy ŭ bitkojnach. 6 z 8 «miljanieraŭ» pravodziać ździełki z kryptaj 5-10+hadoŭ. Troje žyvuć u Polščy, adzin u Biełarusi. Astatnija — u ZŠA, Arhiencinie, ES. 

«Kuplajcie kryptu ananimna»

U insajd-poli ŭdzielniki ankietavańnia padzialilisia pakazčykami dachodnaści ŭkładańni ŭ kryptavaluty.

Častka respandentaŭ acanili dachodnaść na ŭzroŭni 10-50% (niekatoryja kažuć pra 230-400%), u toj ža čas mnohija pryznalisia, što pakul u stratach: «minus 10 tysiač dalaraŭ», minus 30-50% svaich układańniaŭ. 

A voś niekalki paradaŭ z nahody ŭkładańniaŭ u kryptu.

— «Tramp ciapier aktyŭna manipuluje rynkam vykarystoŭvajučy svaju pasadu prezidenta ZŠA. Ŭkładvacca ciapier u niejkija aktyvy ŭzroŭniu tir1 (BTC, SOL, ETH, i inš.), tir2 (defi-aktyvy) i prosta chołdzić, vielmi nieracyjanalna, bo rynak vielmi vałacilny». 

— «Zachoŭvajcie kryptu nie na kašalkach biržy, lepš vykarystoŭvajcie chałodnyja aparatnyja kašalki — Ledger, Trezor i t.p. mienš budzie baleć hałava pra sankcyi i ŭzłomy biržaŭ».

— «Raniej trymaŭ pad $30K u USDT ERC-20, ale na fonie «zakručvańnia hajek» u kryptaśfiery (jak, naprykład, zabarona P2P-abmienaŭ) vyvieŭ usie ŭ «narmalnyja hrošy» praz Whitebird».

— «Kuplajcie kryptu ananimna, nie pakazvajcie jaje dziaržavie, na piensii skažacie dziakuj. Bitkojn — adziny srodak doŭhaterminovaha zachoŭvańnia krypty, nijakich efiraŭ i miemkoinaŭ. Nie zachoŭvajcie svaju kryptu na biržach, zakinuli, skanviertavali, vyvieli, i tak usio žyćcio».

• 6
• 0
• 4
• 0
• 1
• 0
• 0
• 0