Žychary damoŭ pa vulicy Siamionava ŭ Minsku časova adstajali svajo žyllo
Ich damy znosić da 2030 nie buduć, a voś na susiednich vulicach Dvoryščy i Šejpičy źniščać, kab stvaryć zialonuju zonu dla haradžan.
Na terytoryi vakoł bierahoŭ Śvisłačy kala vulic Dzianisaŭskaj i Dvoryšča płanujuć stvaryć vialikuju zialonuju zonu dla adpačynku. Dziela hetaha čynoŭniki prapanoŭvali źnieści 105 pryvatnych damoŭ na vulicach Siamionava, Dvoryščy i Šejpičy. Praces znosu mierkavałasia skončyć da 2030 hoda.
Adnak padčas hramadskaha abmierkavańnia pastupiła šmat zvarotaŭ ad žycharoŭ vulicy Siamionava, jakija vystupali suprać pierajezdu. U vyniku čynoŭniki vyrašyli časova pakinuć ich u spakoi. Ich los vyznačać paśla 2030 hoda.
A voś chaty i samavolnyja pabudovy z Šejpičaŭ i Dvoryščaŭ źniasuć u 2026-2030.
«Takija etapy realizacyi prajekta pryniaty, uličvajučy bolš vysokuju jakaść damoŭ u rajonie vulicy Siamionava i zapyt žycharoŭ na zachavańnie hetaj zabudovy. Bolš zvarotaŭ było mienavita ad tych, chto pražyvaje na hetaj terytoryi, — cytujuć «Minsk-naviny» hałoŭnaha architektara stalicy Viktara Hućko. — Paśla treba zrabić ekanamičnaje abhruntavańnie i pahladzieć, jakija vydatki horad paniasie pry zachavańni siadzib u hetaj zonie. Bo treba zabiaśpiečyć terytoryju inžyniernaj i transpartnaj infrastrukturaj, heta značyć zavieści tudy sietki, zrabić narmalnyja vulicy.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary
U nich elemientarno niet sriedstv dla snosa, niet inviestora.
A v staťje utvierždajetsia, čto vłasti pošli navstrieču žitielam… million raz cha- cha.
Jeśli by byli riesursy, vsie sudiebnyje iski žitielej protiv snosa byli by odnoznačno zaviedomo proihrany.
Matyvacyja, jakaja ahučvajecca - dla čaho znos, dla čaho budoŭla - nosić instrumientalny, manipulatyŭny charaktar.
I jany sami heta vydatna razumiejuć. Kali z chłuśnioj mied. čynoŭnikaŭ hramadstva zrazumieła ŭ 2020-m, to z machinacyjami horadabudaŭnictva było jasna jašče ŭ 2000-yja.