U Viarchoŭnym sudzie na pracesie pa spravie «vaŭkavyskich terarystaŭ» siońnia skončyŭsia dopyt Mikałaja Aŭtuchoviča.
U Viarchoŭnym sudzie na pracesie pa spravie «vaŭkavyskich terarystaŭ» siońnia skončyŭsia dopyt Mikałaja Aŭtuchoviča.
Abvinavačany zaznačyŭ, što hety sud dla jaho, siabroŭ, znajomych źjaŭlajecca sapraŭdnym šokam. «Nie było nijakich padstavaŭ dla aryštu. Ja nie viedaŭ sutnaści abvinavačvańnia, pakul nie pačaŭ znajomicca z materyjałami spravy», — skazaŭ M.Aŭtuchovič.
«Usia maja «vina» hruntujecca na pakazańniach dvuch śviedkaŭ. Bolš nijakich dokazaŭ niama. Ja zajaŭlaju, što nie maju nijakaha dačynieńnia da padpałaŭ, a taksama da padrychtoŭki teraktaŭ», — zaznačyŭ abvinavačany.
«Pałtarak — heta zavierbavany čałaviek. Ja asabista viedaju taho milicyjanta, jaki vierbavaŭ Pałtaraka.
Jon i davaŭ pakazańni, što ŭ Aŭtuchoviča była vialikaja kolkaść zbroi — aŭtamataŭ i snajpierskich vintovak. Paśla hetaha Łukašenka i skazaŭ, čamu aryštavali Aŭtuchoviča, bo nikomu nielha niezakonna zachoŭvać zbroju.A potym źjaviŭsia Łaryn, jaki daŭ novyja pakazańni», — zaznačyŭ pradprymalnik.
Pa słovach Aŭtuchoviča, aryšt — heta pomsta čynoŭnikaŭ za jahonuju antykarupcyjnuju dziejnaść. «Heta spłanavanaja kryminalnaja sprava.
Aŭtuchovič paskardziŭsia na tyja ŭmovy, jak abvinavačanych dastaŭlajuć u sud.
«Ź SIZA nas viazuć u supravadžeńni achovy z «Ałmazu». Pryvoziać u Viarchoŭny sud, u dvare ŭžo čakajuć śpiecnazaŭcy. Jakija ž my terarysty?»
Abvinavačany pačaŭ raskazvać pra svaje dačynieńni z staršyniom Vaŭkavyskaha harvykankamu Michaiłam Savieljevym. «Jak tolki Savieljeŭ pryjšoŭ na pasadu, to skazaŭ, što jon čałaviek prezidenta, i možacie rabić z hetaha vyvady. Vyvady byli ŭ tym, što ŭ horadzie źnikła zakonnaść. Savieljeŭ nie bajaŭsia pakazvać svaje karysnyja intaresy.
Adnojčy jon zaprasiŭ mianie na pryvatnuju razmovu da siabie ŭ kabiniet. Dzie skazaŭ, što viedaje pra maje suviazi ŭ Niamieččynie i chacieŭ by nabyć aŭtamabil dla žonki. Ja skazaŭ, što dobra i zaŭtra ja pryniasu vam prajs. Bačna, što čałaviek čakaŭ zusim nie hetaha.My daviedalisia, što Savieljeŭ atrymaŭ učastak dla budaŭnictva doma ŭ Hrodna», — skazaŭ Aŭtuchovič.
Dalej raskazać hetuju historyju nie daŭ sudździa Ciaciuchin, jaki zaznačyŭ, što jana nie maje dačynieńnia da materyjałaŭ spravy.
«Tut vinavaty tolki adzin čałaviek, jaki vyrašyŭ zmuchlavać i zarabić hrošaj». «Chto heta?» — zapytaŭsia sudździa. «Heta Łaryn», — adkazaŭ Aŭtuchovič.
Ciapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary