Tryccacihadovy pamočnik mašynista łakamatyŭnaha depo stancyi Viciebsk zahinuŭ u Smalensku (Rasija), ramantujučy ruchavik ciepłavoza.
Jak paviedamili va ŭpraŭleńni ŭnutranych spraŭ na transparcie, niaščasny vypadak adbyŭsia ŭviečary 21 sakavika. Padčas ruchu łakamatyva hruzavoha ciahnika pa maršrucie Viciebsk — Smalensk u depo Smalenska pierastaŭ pracavać dyziel viadomaj siekcyi. U 18.20 mašynist ciepłavoza dla vyśviatleńnia pryčyny i zapusku dyziela nakiravaŭ pamočnika. Paśla zapusku dyziela małady čałaviek nie viarnuŭsia ŭ kabinu kiravańnia i nie adkazvaŭ na vykliki pa radyjosuviazi, tamu ŭ 18.33 mašynist spyniŭ ciahnik, kab vyśvietlić, što adbyłosia.
Padčas ahladu dyzielnaha pamiaškańnia ŭ rajonie hałoŭnaha hienieratara byŭ znojdzieny pamočnik mašynista biez prykmiet žyćcia, jon lažaŭ na maśnicach. Fielčar miedpunkta kanstatavaŭ śmierć. Pry ahladzie cieła vyjaŭlena rvana‑vyciataja rana ŭ vobłaści šyi.
Miarkujecca, što traŭma była atrymana ŭ vyniku ŭdaru adarvanaj častki špilki macavańnia kłapannaj karobki adnaho z cylindraŭ ruchavika.
Adarvacca jana mahła z‑za hidraŭdaru. Abstaviny zdareńnia ŭstanaŭlivajucca.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary