Hramadstva1010

Pamiatajecie biełaruskaha repiera Džoni Haci, jakomu dali 19 hadoŭ za raspaŭsiud narkotykaŭ? Voś što ź im ciapier

Siabar repiera vyjšaŭ z kałonii i praź videa ŭ tyktoku sprabuje dahrukacca da Łukašenki.

Repier Džon Haci. Fota ź jaho instahram

Sprava repiera Džoni Haci (sapraŭdnaje imia — Jaŭhien Zyl) u svoj čas była vielmi hučnaj. U 2015 hodzie 33-hadovaha muzyku abvinavacili ŭ tym, što jon sa svaimi znajomymi arhanizavaŭ internet-kramu pa prodažy psichatropaŭ. Tady niekalki čałaviek zatrymali, ale sam Džoni, spałochaŭšysia pakarańnia, uciok u Rasiju.

U susiedniaj krainie, jak śćviardžałasia potym u materyjałach kryminalnaj spravy, repier praciahnuŭ zajmacca raspaŭsiudam narkotykaŭ: jon kiravaŭ čatyrma internet-kramami. Repier vykarystoŭvaŭ miesiendžary, praź jakija najmaŭ na pracu maderataraŭ, kurjeraŭ i zakładčykaŭ.

Ale ž heta było nie adzinaje, u čym abvinavačvali Jaŭhiena Zyla. Jamu taksama inkryminavali 19 vypadkaŭ raspaŭsiudžańnia parnahrafičnych materyjałaŭ.

U 2017 hodzie biełarusa zatrymali ŭ rasijskim Saratavie i ekstradavali na radzimu. Sud adbyŭsia ŭ 2019 hodzie. Spačatku repieru dali 21 hod źniavoleńnia z kanfiskacyjaj majomaści. Ale paśla abskardžańnia ŭsio ž źmiakčyli prysud: 19 hadoŭ źniavoleńnia biez kanfiskacyi. Adbyvać pakarańnie mužčynu adpravili ŭ kałoniju ŭ Mahiloŭ.

Džon Haci ŭ Rastovie. Fota ź jaho instahrama

Letaś u studzieni na svabodu vyjšaŭ siabar Džoni Haci, jaki siadzieŭ ź im u adnoj kałonii. Ihar Dźmitryjeŭ (jon taksama repier, byŭ viadomy jak Kendys) pravioŭ u niavoli 9 hadoŭ, pieršapačatkova atrymaŭšy 12 hadoŭ.

U tyktoku Ihar raspaviadaje, što pierapisvajecca ź siabram, i čytaje ŭsłych listy ad taho.

— «Karamba, bratka. U mianie ni dnia biez chadajnictvaŭ, skarhaŭ i zajaŭ. Siońnia pryjšoŭ adkaz sa Śledčaha kamiteta ab tym, što zakryvajuć vytvorčaść praź niedastatkovuju kolkaść sabranych dokazaŭ. I adpaviedna, ja im adrazu daŭ adkaz, dakładniej, u Hienieralnuju prakuraturu na ich dziejańni. Tamu ŭsio roŭna im daviadziecca hetaje rašeńnie admianić i pačać usio nanova. Ja ad ich nie adstanu, bo tut nichto znachodzicca nie choča. Kali ty pierastaŭ zmahacca za svabodu, značyć, ciabie złamała hetaja sistema».

Džoni Haci śćviardžaje, što ŭžo daŭno skarystaŭsia mahčymaściu pierahladzieć svaje pohlady. Ciapier jon choča jak maha chutčej apynucca na voli, kab pačać zajmacca tym, što «ŭ jaho sapraŭdy ŭ žyćci atrymlivajecca lepš za ŭsio» — pisać muzyku i rabić biełaruskaje mastactva bolš kankurentazdolnym na suśvietnym uzroŭni.

Džoni taksama paviedamlaje, što za kratami atrymaŭ zarad dla svajoj tvorčaści i ciapier jamu jość, što skazać, ab čym pisać, ab čym zdymać. Jon raspaviadaje, što piša knihu — svaju bijahrafiju — i ŭžo dajšoŭ amal da siaredziny. Spadziajecca, što paśla publikacyi tvor budzie karystacca šalonaj papularnaściu, bo heta historyja sapraŭdnaha čałavieka.

Ihar Dźmitryjeŭ. Skrynšot videa ŭ tyktoku

Ihar za spravu ŭziaŭsia rašuča: jon pačaŭ publikavać u tyktoku zvaroty da Łukašenki z prośbaj razabracca ŭ niespraviadlivaści ŭ dačynieńni Jaŭhiena Zyla.

Sam ža Džoni Haci vielmi spadziajecca na dapamohu siabra i navat pisaŭ tamu, što raźličvaje na zvarot Ihara da «šanoŭnaha prezidenta»:

— «U našaha prezidenta ŭsio zvyčajna dakładna, jasna i zrazumieła. Zakon pavinien vykonvacca, tyja, chto parušajuć zakon, pavinny być pakaranyja. U hetym vypadku ja, jaki parušyŭ zakon, pakarany. Ale jość jašče i tyja, chto prymaje złačynnyja rašeńni, padpisvajučy złačynnyja dakumienty, staviačy piačatki, prykryvajučysia imiem Respubliki Biełaruś», — čytaje Ihar list siabra.

@ingvarrrdmitriev #priezidient #riespublika #biełaruś #spraviedlivosť #Łukašienko #prokuratura ♬ Disturbing LoFi HipHop Wind Loop 3(1169236) - Leano

Ale ž sprava nie idzie: ułady nijak nie reahujuć na roliki Ihara, a kamientatary daloka nie zaŭsiody spačuvajuć Jaŭhienu i navat zaklikajuć da bolš žorstkich pakarańniaŭ za złačynstvy, źviazanyja z narkotykami.

Ihar spakojna i ciarpliva adkazvaje chejtaram. U svaich videa jon padymaje pytańni taho, jakoje surovaje ŭ Biełarusi pakarańnie pa narkatyčnych artykułach. A taksama sprabuje tłumačyć moładzi, čamu nikoli nie atrymajecca stać samym chitrym i zarabić šmat hrošaj na narkotykach.

Kamientary10

  • Lolik z-pad Limasoła
    06.04.2025
    Dzivaki niejkija. “zmahacca za svabodu” i “łukašenka” ŭ adnym zvarocie - heta niebiaśpiečna)
  • Abarmot
    06.04.2025
    Vot vam i otviet, koho poddierživajut riealnyje narkomany
  • Fiedzia
    06.04.2025
    Nie vieriu.

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia3

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

Bolš za 50 jeŭra za 180 km darohi. Čamu rastuć ceny na aŭtobusnyja kvitki ź Miensku ŭ Vilniu11

Nie ihnarujcie hetyja źmieny skury — jany mohuć śviedčyć pra pačatak dyjabietu6

Pasoł Vienhryi pa-majstersku syhrała na arhanie ŭ kaściole ŭ Mahilovie3

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał7

Nachabnyja źbiralniki hrošaj na prajezd u Minsku ŭžo prosiać pieravod na kartku2

U Mahilovie idzie śpiektakl 18+, jaki karystajecca šalonaj papularnaściu — hledačy pryjazdžajuć ź inšych haradoŭ10

Hruzija pastrožyć praviły znachodžańnia zamiežnikaŭ, ažno da vydvareńnia1

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia3

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić