Na pasiadžeńni kantaktnaj hrupy pa pytańniach abarony Ukrainy (farmat «Ramštajn», Ukraine Defense Contact Group, UDCG), jakoje adbyłosia 11 krasavika ŭ Bruseli, udzielniki damovilisia ab biesprecedentnym abjomie padtrymki dla Kijeva. U sukupnaści sajuźniki vydzielać zvyš 21 miljarda jeŭra na ŭzmacnieńnie ŭkrainskaj abarony, paviedamlaje Bi-bi-si.
Bolš za pałovu hetaj sumy — kala 11 miljardaŭ jeŭra — prypadaje na Hiermaniju. Vialikabrytanija maje namier vydzielić kala 5,2 miljarda jeŭra. Pa słovach ministra abarony Hiermanii Barysa Pistoryusa, u najbližejšy čas Kijeŭ atrymaje ad Bierlina:
- 100 tysiač artyleryjskich snaradaŭ;
- 25 bajavych mašyn piachoty;
- 15 asnoŭnych bajavych tankaŭ;
- 100 naziemnych radarnych stancyj nazirańnia;
- 120 pieranosnych zienitna-rakietnych kompleksaŭ.
Taksama Hiermanija pieradaść Ukrainie čatyry sistemy SPA IRIS-T z kamplektam z 300 rakiet. Akramia taho, sumiesny brytanska-narviežski pakiet na sumu 523 miljony jeŭra prafinansuje pastaŭki radaraŭ, supraćtankavych min, ramont vajskovaj techniki, a taksama zakupku sotniaŭ tysiač bieśpiłotnikaŭ.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos22
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5151
Kamientary