17‑hadovaja studentka z Kryma pajechała na spatkańnie — i jaje zabili. Padazrajuć rasijskaha vajskoŭca, jaki paśpieŭ pavajavać na «SVA»
Cieła dziaŭčyny znajšli ŭ poli, zabojca sprabavaŭ jaho spalić.
4 studzienia ŭ anieksavanym Krymie źnikła 17‑hadovaja Elvina Kraŭčanka, žycharka vioski Marjina Džankojskaha rajona.
Dziaŭčyna vučyłasia ŭ Džankojskim prafiesijnym technikumie. 1 studzienia joj spoŭniłasia 17 hadoŭ. 4 studzienia Elvina paviedamiła rodnym, što pajechała naviedać baćku ŭ susiedniuju viosku, ale nasamreč adpraviłasia na spatkańnie, apisvaje historyju Astra.
Z tym maładym čałaviekam Elvina paznajomiłasia ŭ internecie, i ŭ toj ža dzień jon paklikaŭ jaje na spatkańnie. Z taho času dziaŭčyna pierastała vychodzić na suviaź. Pošuki studentki arhanizavali miascovyja vałanciory, raźmiaściŭšy aryjenciroŭki ab pošuku va ŭsich sacsietkach i miascovych ŚMI.
Praź niekalki dzion Elvinu znajšli ŭ poli, zabojca sprabavaŭ spalić cieła. Paźniej pa padazreńni ŭ zabojstvie studentki zatrymali 21‑hadovaha rasijskaha kantraktnika Dźmitryja Papova, vyśvietliła Astra. Padazravany znachodzicca ŭ SIZA Simfieropala.
Papoŭ z Taljaci Samarskaj vobłaści. Jon vučyŭsia ŭ Taljacinskim mašynabudaŭničym kaledžy. Kali mienavita jon padpisaŭ kantrakt i źjechaŭ na vajnu z Ukrainaj — nieviadoma, ale videa z «SVA» ŭ svaich sacsietkach jon pačaŭ vykładvać u krasaviku 2025 hoda.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary