U kastryčniku minułaha hoda 50-hadovaja žycharka Salihorska, znachodziačysia ŭ vioscy Letaniec, vyrašyła vyvieści na prahułku svajho sabaku parody akita-inu. Spakojnuju prahułku pierarvała niebiaśpieka, piša BiełTA.
Susiedski sabaka — maskoŭski vartavy — kinuŭsia na žančynu. Vializny sabaka ŭčapiŭsia zubami ŭ jaje ruku. Akita-inu, niahledziačy na ŭłasnyja instynkty, nie zmoh supraćstajać raźjušanamu sabaku.
Nieviadoma, čym by mahła skončycca hetaja sutyčka z žyviołaj, kali b na kryki ab dapamozie nie adhuknulisia susiedzi. Muž paciarpiełaj adbiŭ žančynu ad ahresiŭna nastrojenaha sabaki, paśla čaho jany schavalisia na ŭčastku adnoj ź miascovych dačnic.
Vynik hetaj trahičnaj sustrečy — šmatlikija rany levaj ruki, pierałomy, paškodžanyja źviazki, suchažylli, myšcy kiści, chrastki i niervy levaha pieradplečča, što, zhodna z zaklučeńniem ekśpiertaŭ, adnosicca da mienš ciažkich cialesnych paškodžańniaŭ.
Zaviedziena kryminalnaja sprava.
Kamientary