Markietplejs Wildberries pašyraje hieahrafiju servisu kurjerskaj dastaŭki z PVZ va ŭsie abłasnyja centry Biełarusi.
Pra heta raskazali pradstaŭniki kampanii Office Life. Klijenty markietplejsa zmohuć aformić pasłuhu «Kurjer ekspres» nie tolki ŭ Minsku, ale i ŭ Breście, Viciebsku, Homieli, Hrodnie i Mahilovie.
Jak udakładnili ŭ kampanii, atrymać tavar z punkta vydačy zakazaŭ prosta dadomu možna ciaham dźviuch hadzin z momantu zamovy. Akramia taho, funkcyja ciapier dastupnaja nie tolki na sajcie, ale i ŭ mabilnym dadatku. Jak tolki zakaz pastupaje ŭ PVZ, u klijenta źjaŭlajecca śpiecyjalnaja knopka vykliku kurjera. U vyniku zakaz biaspłatna budzie dastaŭleny ciaham dvuch hadzin z momantu vykliku kurjera abo ŭ vybrany časavy intervał.
U kampanii anansavali, što praciahvajuć pracavać nad pašyreńniem kurjerskaj sietki i raźvićciom łahistyčnych rašeńniaŭ. Ź ciaham času ahulny achop kurjerskaj dastaŭki ŭ Biełarusi pieravysić 260 haradoŭ.
Kamientary