Hramadstva77

«Jana pracavała i atrymlivała zarobak». NAU adkazaŭ nakont hrošaj Mielnikavaj

Polskaje vydańnie Rzeczpospolita ŭ svaim materyjale sa spasyłkaj na kiraŭnika Narodnaha antykryzisnaha ŭpraŭleńnia Paŭła Łatušku śćviardžaje, što źnikłaja śpikierka Kaardynacyjnaj rady Anžalika Mielnikava nie pracavała ŭ Polščy, a taksama nie atrymlivała ŭznaharody ŭ fondzie Białoruś Liberty, ale «raskidvałasia» hrašyma. Ci sapraŭdy heta tak, «Biełsat» udakładniŭ u NAU i atrymaŭ inšy adkaz. 

Anžalika Mielnikava

U pres-słužbie NAU paviedamili «Biełsatu», što nibyta nikoli nie kazali pra toje, što Mielnikava nie pracavała.

«Śćviardžeńnie, što Anžalika nie pracavała, nam nie naležyć. I my nikoli tak nie kazali. Jana pracavała ŭ kamandzie NAU i atrymlivała zarobak. U astatnim jana sapraŭdy stvarała ŭražańnie čałavieka, jaki nie maje patreby ŭ hrošach», — adkazali telekanału ŭ pres-słužbie NAU.

Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.

7 krasavika žurnalistam «Lusterka» ŭdałosia parazmaŭlać z byłym mužam Anžaliki Mielnikavaj, jaki paćvierdziŭ, što znachodzicca ŭ Biełarusi, a dzieci — pry im. Baćki Mielnikavaj u razmovie z žurnalistam «Jeŭraradyjo» taksama paćvierdzili, što dzieci znachodziacca ŭ Biełarusi, a pra miescaznachodžańnie samoj Anžaliki jany sami ničoha nie viedajuć i tryvožacca.

8 krasavika vice-śpikierka Kaardynacyjnaj rady Stanisłava Hlińnik, jakaja ciapier vykonvaje abaviazki śpikierki, paviedamiła, što 13 sakavika z akaŭnta Anžaliki Mielnikavaj byli spampavanyja fajły, da jakich jana mieła dostup u ramkach pracy Kaardynacyjnaj rady. Siarod ich — stratehičny płan, biudžet, unutranyja dakłady i inšyja apieracyjnyja materyjały pačynajučy ź lipienia 2024 hoda.

10 krasavika telekanału «Biełsat» stała viadoma, što z rachunka fondu Białoruś Liberty, zasnavanaha Anžalikaj Mielnikavaj, źniali hrošy. Zrabiła heta jana sama ci chto inšy, pakul nieviadoma. 

14 krasavika stała viadoma, što rasśledavańnie źniknieńnia Anžaliki Mielnikavaj u Polščy pieraviali na bolš vysoki ŭzrovień — zamiest Varšaŭskaj akruhovaj prakuratury hetym budzie zajmacca Nacyjanalnaja prakuratura. Na dumku śledčych, spravu pavinny rasśledavać prakurory, jakija zajmajucca najbolš važnymi spravami, u tym liku pytańniami špijanažu.

Kamientary7

  • miau
    17.04.2025
    mielnikava ŭžo zatmiła pa popularnaści cichanoŭskuju, pra jakuju na nn daŭno nie čutno
  • 1234
    17.04.2025
    Tak pracavała, što vy zaŭvažyli adsutnaść svajho pracaŭnika tolki praz dva tydni?
  • Imia
    18.04.2025
    miau, navošta Cichanoŭskaj papularnaść? Ci jana śpiavačka albo stendapierka? Pracuje, karystajecca davieram, i niachaj praciahvaje.

Ciapier čytajuć

Łukašenka patłumačyŭ, čamu jaho nie vidać pa sieradach i subotach20

Łukašenka patłumačyŭ, čamu jaho nie vidać pa sieradach i subotach

Usie naviny →
Usie naviny

U Biełarusi znoŭ sabrali hrošy na lačeńnie dziciaci z SMA1

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam14

SBU ŭkaraniła svajho ahienta ŭ maskoŭski ofis paplečnika Janukoviča, jaki zajmaŭsia špijanažam dla FSB1

Važnyja źmieny ŭ zakonie ab nieruchomaści — jany tyčacca rehistracyi majomaści

Bieraściejcy ŭ Hdańsku staviać rekordy pa abarocie kantejnieraŭ1

Stała viadoma, kali možna spadziavacca na chutkasnuju elektryčku ź Minska ŭ aeraport1

U Francyi mohuć zabłakavać Bluesky i Reddit, a Makron uvohule za zabaronu sacsietak dla dziaciej4

Handlovym sietkam buduć davać ilhotnyja kredyty dla pieradapłaty za aharodninu2

bolš čytanych navin
bolš łajkanych navin

Łukašenka patłumačyŭ, čamu jaho nie vidać pa sieradach i subotach20

Łukašenka patłumačyŭ, čamu jaho nie vidać pa sieradach i subotach

Hałoŭnaje
Usie naviny →

Zaŭvaha:

 

 

 

 

Zakryć Paviedamić