«Ciapier ja bačyŭ usio». Na Homielščynie jeździŭ aŭtamabil sa zvanami. U hledačoŭ uźnikła pytańnie da DAI
U tyktoku źjaviłasia videa, źniataje ŭ niadzielu ŭ Homieli. Kadry z aryhinalnym «zvanamabilem» nabrali bolš za 170 tysiač prahladaŭ i tysiačy łajkaŭ. Ale ŭ niekatorych hledačoŭ uźnikła važnaje pytańnie, zaŭvažyŭ Telegraf.news.
Na videa bačna, jak furhon z adkrytym kuzavam, na jakim ustalavali zvanicu i pasadzili zvanara, u supravadžeńni mašyny DAI jedzie pa vulicach Homiela.
Niekatoryja kamientatary napisali, što vielikodny aŭtamabil vielmi padobny na «papamabil». «Naš adkaz papie rymskamu», — napisaŭ adzin z hledačoŭ.
Jašče niechta pažadaŭ zamović takoje aŭto sabie na dom: «A ŭ dziaržpasłuhach možna aformić Vialikdzień na vyjezd?»
Zrešty, u mnohich hledačoŭ uźnikli pytańni da vykanańnia PDR kartežam. Ich, vidać, ździviła, što zvanara pasadzili ŭ adkrytym kuzavie hruzavoha furhona, choć pa PDR pieravozka ŭ takich vypadkach zabaroniena.
«Chiba heta nie parušeńni PDR?» — prasiła adna z hladačak.
«Nu tak, tut ramień biaśpieki nie patrebny», — z sarkazmam zaŭvažyŭ adzin z padpisčykaŭ.
«Na štrafstajanku supravadžeńnie?» — spytaŭ inšy.
«PDR vyjšli z čata», — pažartavaŭ jašče adzin hladač.
Niechta adkazaŭ, što ŭ supravadžeńni DAI tak možna, ale nie pryvioŭ nijakich dokazaŭ z PDR.
«Ciapier ja bačyŭ usio», — chtości padsumavaŭ ubačanaje.
Zhodna z artykułam 23 PDR RB, prajezd u kuzavie hruzavoha aŭtamabila z bartavoj płatformaj abo ŭ kuzavie-furhonie, nie abstalavanych dla pieravozki pasažyraŭ, dazvalajecca tolki asobam, jakija jeduć za atrymańniem hruzu abo supravadžajuć jaho, pry ŭmovie, što jany zabiaśpiečany miescami dla siadzieńnia, raźmieščanymi nižej za ŭzrovień bartoŭ.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary