Adam Kadyraŭ staŭ sakratarom Rady biaśpieki Čačni. Heta šostaja pasada 17-hadovaha padletka
Ramzan Kadyraŭ pryznačyŭ svajho syna sakratarom Savieta biaśpieki zamiest inšaha svajaka.
17-hadovy Adam Kadyraŭ pryznačany sakratarom Savieta biaśpieki Čačni. Heta ŭžo šostaja pasada padletka.
Kali mienavita Kadyraŭ-małodšy staŭ sakratarom Rady biaśpieki, niajasna. U aficyjnym kanale orhana jaho ŭpieršyniu pradstaŭlajuć na hetaj pasadzie ŭ paviedamleńni ad 21 krasavika. U publikacyi paviedamlajecca ab praviadzieńni sustrečy jaho namieśnikaŭ z namieśnikam načalnika MNS pa respublicy Ryzvanam Załajevym. Jana, nibyta, i adbyłasia pa daručeńniu Adama Kadyrava, choć jon sam u abmierkavańni nie ŭdzielničaŭ, pišuć «Kaŭkaz. Realii».
Saviet biaśpieki Čačni byŭ stvorany Kadyravym u mai 2012 hoda. Heta daradčy orhan, jaki raspracoŭvaje prapanovy «pa papiaredžańni i łakalizacyi nadzvyčajnych situacyj i inšych zadač u ahulnym siehmiencie biaśpieki». Skład Savieta całkam farmiruje kiraŭnik Čačni.
Na aficyjnym sajcie sakratarom Rady biaśpieki ź vieraśnia 2016 hoda značycca plamieńnik kiraŭnika Čačni Chamzat Kadyraŭ. U apošni raz Kadyraŭ paviedamlaŭ ab zaćviardžeńni jaho na hetuju pasadu ŭ lipieni 2024 hoda. Mienavita Chamzat Kadyraŭ u dzień krušeńnia ŭ Kazachstanie pasažyrskaha samalota «Azierbajdžanskich avijalinij» raskazaŭ ab pracy SPA ŭ Čačni: tady jon apublikavaŭ videa paražeńnia bieśpiłotnika rakietaj i napisaŭ «usio źbita». Paśla hetaha kiraŭnik Čačni ni razu nie zhadvaŭ jaho ŭ svaich publikacyjach.
Treci syn kiraŭnika Čačni Adam Kadyraŭ, budučy niepaŭnaletnim, užo kiruje adździełam zabieśpiačeńnia biaśpieki kiraŭnika respubliki, źjaŭlajecca kurataram bataljonaŭ Šejcha Mansura i Bajsanhura Bienajeŭskaha, što vajujuć va Ukrainie, a taksama «Rasijskaha ŭniviersiteta śpiecnaza» ŭ Hudermiesie i ŭsioj struktury respublikanskaha MUS.
Jaho publičnaja aktyŭnaść na hetych pasadach była abmiežavana ŭdziełam u naradach i ŭznaharodžańniami bajcoŭ i supracoŭnikaŭ viedamstva, što kuryrujucca.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary