Ramiani biaśpieki pavinny źjavicca ŭ haradskich aŭtobusach katehoryi M2, havorycca ŭ apublikavanym prajekcie źmienaŭ u praviły aŭtamabilnych pieravozak pasažyraŭ
Pad aŭtobusami M2 majucca na ŭvazie takija, u jakich dazvolenaja maksimalnaja masa nie pieravyšaje 5 ton. Faktyčna taki transpart — heta maršrutnyja taksi. Pavodle zadumy aŭtaraŭ źmienaŭ, na pasažyrskich kresłach tam pavinny źjavicca prynamsi dvuchkropkavyja ramiani biaśpieki, piša «Sputnik».
«Pasažyrskija siadzieńni aŭtobusaŭ katehoryj M2 i M3 kłasa III, jakija vykarystoŭvajucca dla vykanańnia pryharadnych i mižharodnich aŭtamabilnych pieravozak pasažyraŭ, pavinny być abstalavanyja trochkropkavymi ramianiami biaśpieki», — taksama havorycca ŭ prajekcie źmienaŭ.
To bok u pryharadnych aŭtobusach jak vialikaha farmatu, tak i ŭ maršrutkach taksama buduć ramiani, pryčym abaviazkova trochkropkavyja.
Akramia taho, u prajekcie adznačajecca, što nie dapuskajecca abmiežavańnie braniravańnia miesca dla prajezdu, za vyklučeńniem vypadkaŭ, kali ŭ aŭtobusie niama svabodnych miescaŭ.
Kamientary