U MUS nazyvajuć dźvie schiemy.
Pa słovach pieršaha namieśnika načalnika Minskaha haradskoha ŭpraŭleńnia Departamienta achovy MUS Ivana Trusieviča, kradziažy majomaści adbyvajucca pa dźviuch schiemach.
Pieršaja — kradziažy pa navodcy. Heta kali chtości viedaje, što ŭ dadzienaha čałavieka albo na dadzienym pradpryjemstvie zachoŭvajecca štości kaštoŭnaje, i heta infarmacyja paśla bieź niedastatkovyja miery biaśpieki pieradajecca złamyśnikam.
Druhaja schiema — kali sam damušnik vyšukvaje abjekt. «Dla prykładu, idzie čałaviek pa vulicy i hladzić pa voknach. Voś jość draŭlanyja, draŭlanyja, draŭlanyja vokny, a tut raz — płastykavaje akno, pryhožyja firanki, upryhažeńni, kandycyjanier. I jon užo dla siabie dzieści vyznačyŭ, što siudy možna leźci», — tłumačyć siłavik u intervju ANT.
Kali čałaviek dumaje, što ŭ jaho niama čaho kraści, heta nie značyć, što ŭ jaho kvateru nie vyrašać zaleźci.
U jakaści prykładu Trusievič zhadvaje vypadak, jaki adbyŭsia ź jaho siabram, jakoha jon 10 hadoŭ uhavorvaŭ ustalavać u žylli achoŭnuju sihnalizacyju:
«Zaŭsiody adkaz byŭ adzin: «Nu što ŭ mianie kraści?». Na samoj spravie, zdajecca, kraści niama čaho. I ŭ adzin z cudoŭnych dzion, užo navat noč, zvanok: «Terminova pryjazdžaj». Adrazu z parohu ja stupaju ŭ płast usiaho — krupy, cukar, rečy, što vyviernutyja z kamody. To-bok, u jaho nie skrali ničoha. Stareńki niejki kasietny mahnitafon, jaki, u pryncypie, kaštoŭnaści nie ŭjaŭlaŭ.
Ale kali šukali, to jamu parezali ŭsie kanapy, pieraviarnuli ŭsie łožki, z chaładzilnika vyviernuli ŭsio. Jamu spatrebiłasia dva tydni pryvieści tolki ŭ paradak toje, što tam adbyłosia. Nu a jaki psichałahičny stres adbyŭsia dla ŭsioj siamji, tut havaryć nie davodzicca».
Pa słovach Trusieviča, ciapier pad achovaj Departamienta znachodzicca kala 8% žyllovaha fondu. Achova kvatery kaštuje 16 rubloŭ 80 kapiejek u miesiac. Apłata nie zaležyć ad płoščy ci paviercha. Kali ž pad achovu biarecca pryvatny dom, to daviadziecca zapłacić za kožny pavierch. Pasłuhi pa ŭstaloŭcy abstalavańnia pačynajucca ad 500 rubloŭ.
Traktaryst ź Lelčyckaha rajona vyviez z pracy 2,5 tony mietału
Žychar Hrodna siarod dnia prosta na poli skraŭ koły ź siejałki
Rekiet, rejdarstva, zhvałtavańni, žorstkija zabojstvy, siłaviki na zarpłacie i łajalnaść uładaŭ. Raskazvajem pra najbujniejšuju bandu Biełarusi
Z nadychodam viasny ŭ Minsku stali masava kraści rovary i samakaty
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary