6 maja ŭ Minsk prybyŭ ź vizitam prezident Hviniei-Bisau Umaru Sisoku Embała. Zaŭtra jon praviadzie pieramovy z Alaksandram Łukašenkam.
Jak paviedamili ŭ pres-słužbie Łukašenki, 7 traŭnia palityki «abmiarkujuć pytańni aktyvizacyi dvuchbakovaha ŭzajemadziejańnia i raźvićcia supracoŭnictva», nadajučy asablivuju ŭvahu «realizacyi ŭzajemavyhadnych prajektaŭ u klučavych halinach ekanomiki».
Prezident Hviniei-Bisau budzie znachodzicca ź vizitam u Biełarusi z 6 pa 8 maja. Paśla jon nakirujecca ŭ Maskvu dla ŭdziełu ŭ śviatočnych mierapryjemstvach 9 maja. Łukašenka, darečy, tudy palacić taksama. Ale jon, pabyŭšy na paradzie, palacić dachaty ŭ Minsk prymać svoj, a hviniejski hość paśla Maskvy nakirujecca ŭ supraćlehły bok — u Japoniju.
U listapadzie 2024 hoda Alaksandr Łukašenka i Umaru Sisoku Embała ŭžo mieli karotkuju sustreču ŭ Baku — na palach Suśvietnaha samitu pa baraćbie sa źmianieńniem klimatu.
Hvinieja-Bisau — nievialičkaja kraina na zachadzie Afryki, byłaja partuhalskaja kałonija. Jaje terytoryja — 36 120 kvadratnych kiłamietraŭ (pryblizna jak naša Minskaja vobłaść), a kolkaść nasielnictva — krychu bolšaja za paŭtara miljona. Heta byłaja partuhalskaja kałonija, niezaležnaja z 1973 hoda. I adna z najbiadniejšych krain śvietu, bo adzinaje, z čaho žyvie — sielskaja haspadarka i rybałoŭstva.
Umaru Sisoku Embała kiruje hetaj krainaj z 2014 hoda.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary