Ali Chamieniei papiaredziŭ ZŠA i zajaviŭ, što Iran nie admovicca ad uzbahačeńnia ŭranu
Miž ZŠA i Iranam narastaje napružanaść na fonie praciahłych, ale ŭsio mienš vynikovych pieramovaŭ pa iranskaj jadziernaj prahramie.
Viarchoŭny lidar Irana Ali Chamieniei rezka adreahavaŭ na patrabavańni ZŠA spynić uzbahačeńnie ŭranu, nazvaŭšy ich «vialikaj pamyłkaj», piša Bild.
«Im [amierykancam] varta pastaracca nie kazać hłupstvaŭ. Isłamskaja Respublika nie čakaje dazvołu ni ad koha», — dadaŭ jon.
Amierykanski śpiecpasłańnik Styŭ Uitkaf, pryznačany Donaldam Trampam, ahučyŭ u adkaz žorstkuju pazicyju Vašynhtona.
«My nie možam dapuścić navat adzin adsotak mahčymaściej pa ŭzbahačeńni», — skazaŭ jon.
Pavodle jaho słoŭ, ZŠA nastojvajuć na poŭnaj admovie ad jadziernaj prahramy jak umovie dla luboha pahadnieńnia.
Mižnarodnaje ahienctva pa atamnaj enierhii vykazvaje tryvohu: Iran — adzinaja kraina bieź jadziernaj zbroi, jakaja ŭzbahačaje ŭran da ŭzroŭniu 60%, što nabližajecca da ŭzroŭniu zbrojevaha (90%). Pavodle dadzienych ekśpiertaŭ, zapasy ŭzbahačanaha ŭranu ŭ Iranie ŭžo składajuć 275 kiłahramaŭ — tearetyčna hetaha dastatkova dla vytvorčaści niekalkich bajavych hałoŭ.
Na hetym fonie iranski bok adchiliŭ praciah pieramovaŭ u ciapierašnim farmacie. Adzin z udzielnikaŭ pieramovaŭ z boku Irana zajaviŭ, što «biez prava na ŭzbahačeńnie dla nas nie isnuje nijakaha pahadnieńnia».
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ88
Kamientary
Dla chamasa, chusitov, Irana - trilliony baksov Monarchii Piersidskoho zaliva i Katara.
Dla putina i jeho vojny - trilliony baksov rośsijan i Rośsii.
łapidar iz tiech, kto pokupajetsia i prodajotsia za Očień Bolšije dieńhi.
A, jeśli, v pridaču k bolšim dieńham, ciełuješ zad łapidara, to łapidar - v tvojom karmanie so vsiemi potrochami.
Dla takoho tipa ludiej - suŝiestvujut tolko dieńhi, vyhoda, samolubovanije, samovoschvalenije i ciełovanije jeho zada !, nie vru, daju zub, a jeśli nie vieritie, to sprositie u Zianona!
Jany durniami buduć, kali ad jaho admoviacca.
ukraincy vuń niekali admovilisia.
taksama šmat bałabolstva było, i ŭhody i harantyi.