«Škada Akademiju». Koršunaŭ pra pryznačeńnie Karanika kiraŭnikom NAN
Upieršyniu rolu staršyni Prezidyuma Akademii navuk budzie vykonvać čałaviek biez doktarskaj stupieni — nie kažučy pra adsutnaść značnaha navukovaha dośviedu. Były dyrektar Instytuta sacyjałohii Akademii navuk Hienadź Koršunaŭ prakamientavaŭ «Našaj Nivie» niečakanaje pryznačeńnie Uładzimira Karanika na novuju pasadu.
Hienadź Koršunaŭ kaža, što paśla Uładzimira Husakova, viadomaha svaimi ekscentryčnymi zajavami i praŭładnaj pazicyjaj, čakać vialikich źmien u pracy Akademii navuk nie treba.
«Karanik łajalny ŭładzie čałaviek, tamu jaho pryznačeńnie staršynioj Prezidyuma nijakich adčuvańniaŭ nie vyklikaje. Jak byŭ całkam łajalny Łukašenku Husakoŭ, zaraz takuju ž kandydaturu i pryznačyli. Biez uliku navukovych, akademičnych ci inšych jaho dasiahnieńniaŭ», — kaža Koršunaŭ.
Z 2000-ch hadoŭ, kali kiraŭnikom Akademii navuk staŭ Michaił Miaśnikovič, z NAN vybudoŭvali «nie akademičny centr, a niešta bolš padobnaje na ministerstva», zaŭvažaje navukoviec.
«Husakoŭ hetuju liniju praciahnuŭ — i Karanik budzie vykonvać tuju ž samuju ŭstanoŭku, jakuju davaŭ i daje Łukašenka. Adzinaje što, sapraŭdy, moža być mieniej takich infanahod, jakija lubiŭ Husakoŭ».
Daśledčyk taksama dumaje, što finansavańnie ŭ Akademii moža być pieraraźmierkavana z ahrarnaha siektaru ŭ miedycynski, ale zvonku heta pabačyć budzie składana.
«Škada Akademiju. Toje, što ź jaje robiać. Taja pierśpiektyva vybudovy intelektualnaha centra, jakaja była, skažam, u 1990-ch hadach, zaraz nie prosta hublajecca — jana faktyčna vyniščajecca», — kaža daśledčyk.
Pra pryznačeńnie Uładzimira Karanika staršynioj Prezidyuma Nacyjanalnaj Akademii navuk Biełarusi stała viadoma na naradzie Łukašenki z čynoŭnikami 22 maja.
Dahetul uradženiec Hrodna pracavaŭ namieśnikam premjer-ministra, jašče raniej — staršynioj Hrodzienskaha vykankama i ministram achovy zdaroŭja. Karjeru Karanik pačynaŭ u minskim ankałahičnym dyspansiery: z 2011 pa 2019 hod jon byŭ tam hałoŭnym uračom.
Značnych akademičnych dasiahnieńniaŭ Karanik nie maje — tolki abaraniŭ kandydackuju dysiertacyju pa klinika-bijałahičnym asablivaściach roznych varyjantaŭ raku lohkaha. Kiravać Akademijaj navuk upieršyniu budzie čałaviek biez doktarskaj stupieni.
-
U Čačersku praviali pakazalny sud nad maładzionami, jakija sarvali čyrvona-zialony ściah
-
«Sychodzić epocha navukovaha stendapu». Biesarab pra źniaćcie z pasady byłoha kiraŭnika Akademii navuk
-
«Ranicaj kupiŭ dalary, uviečary ŭžo nie zdać». Ci źmieniacca praviły ŭ abmieńnikach i što banki robiać z «drennaj» valutaj
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary
Vyražienije lica Karanika na naznačienii/priedstavlenii vsio samo za siebia skazało.