U Piačerskim lesaparku Mahilova padletak atrymaŭ ciažkija apioki paśla taho, jak jaho ŭdaryła tokam na terytoryi byłoj łyžnaj bazy. Jak paviedamiŭ telekanał «Biełaruś 4 Mahiloŭ», abjekt doŭhi čas stajaŭ biez nahladu, nie byŭ aharodžany i nie mieŭ nijakich papieradžalnych znakaŭ.
Troje školnikaŭ zajšli na zakinutuju bazu i pačali ahladać pamiaškańni. Ich uvahu pryciahnuli pravady. Adzin z chłopcaŭ dakranuŭsia da aholenaha drotu i straciŭ prytomnaść — tok akazaŭsia pad napružańniem.
Dvoje siabroŭ pabiehli pa dapamohu i dabralisia da najbližejšaj stancyi Tavarystva vyratavańnia na vodach. Darosłyja vyklikali chutkuju dapamohu, ale kali miedyki prybyli, chłopiec užo ačomaŭsia. Jaho dastavili ŭ balnicu z apiokami ruk treciaj stupieni. Ciapier jahonamu žyćciu ničoha nie pahražaje.
Paśla incydentu terytoryju byłoj bazy aharadzili i raźmiaścili na płocie papieradžalnyja nadpisy.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary